#BREAKING : தரமற்ற புளியந்தப்பு கட்டட விவகாரம்..! 2 அதிகாரிகள் சஸ்பெண்ட்…!

குற்றசாட்டுகள் எழுந்ததை தொடர்ந்து, அமைச்சர்கள் சேகர்பாபு, தா.மோ.அன்பரசன் ஆய்வு மேற்கொண்டனர். இந்நிலையில், கட்டிடத்தின் தரத்தை ஐஐடி சிறப்பு குழு அமைத்து சோதனை செய்ய திட்டமிடப்பட்டுள்ளது. மேலும், சிறப்புக்குழுவின் ஆய்வறிக்கையை கொண்டு நடவடிக்கை எடுக்கப்படும் என குடிசை மாற்று வாரியத்துறை அமைச்சர் தா.மோ.அன்பரசன் அவர்கள்  தெரிவித்துள்ளார்.

மேலும், நேற்று நடைபெற்ற சட்டப் பேரவை கூட்டத்தொடரிலும் இது தொடர்பாக சிறப்பு தீர்மானம் முன்மொழியப்பட்டது. இந்நிலையில், இந்த விவகாரத்தில், குடிசைமாற்று வாரிய உதவி பொறியாளர் பாண்டியன், உதவி நிர்வாக பொறியாளர் அன்பழகன் ஆகியோர் பணியிடை நீக்கம் செய்யப்பட்டுள்ளனர்.

இதுகுறித்து அமைச்சர் அன்பரசன் கூறுகையில், தவறு செய்தவர்கள்  இருந்தாலும் அதை தமிழக அரசு வேடிக்கை பார்க்காது என்றும், இந்த விவகாரத்தில் எவ்வளவு விரைவாக விசாரணை நடத்தப்பட முடியுமோ அவ்வளவு விரைவாக விசாரணை நடத்தப்படும் என்றும், தவறு செய்த ஒப்பந்ததாரரை பிளாக் லிஸ்டில் சேர்ப்போம் என்றும் தெரிவித்துள்ளார்.