பி.இ ஆன்லைன் விண்ணப்பம், ஆன்லைன் கலந்தாய்வுக்கு தடை விதிக்க உயர்நீதிமன்றம் மறுப்பு தெரிவித்துள்ளது .
பொறியியல் சேர்க்கைக்கான ஆன்லைனில் விண்ணப்பம்:
2018-19-ம் ஆண்டுக்கான பொறியியல் படிப்புகளுக்கு விண்ணப்பித்தல், கலந்தாய்வு, சான்றுகள் சரிபார்த்தல், இடங்கள் ஒதுக்கீடு அனைத்தும் ஆன்லைன் மூலமே நடைபெறும் என்று அரசு அறிவித்தது. பொறியியல் சேர்க்கைக்கான ஆன்லைனில் விண்ணப்பம் இதனிடையே அண்ணா பல்கலைக்கழக மாணவர்கள் சேர்க்கைக்கான ஆன்லைன் பதிவு கடந்த மே 3ம் தேதி தொடங்கியது. மாணவர்கள் மே 30-ம் தேதி வரை பதிவு செய்யலாம். ஆன்லைன் பதிவு முடிந்தவுடன் ஜூலை மாத முதல் வாரத்தில் மாணவர் சேர்க்கைக்கான கலந்தாய்வு ஆரம்பமாக உள்ளது. இந்த ஆண்டு சான்றுதல் சரிபார்ப்பு, கலந்தாய்வு என அனைத்தும் ஆன்லைனில் மட்டுமே நடைபெற இருப்பது குறிப்பிடத்தக்கது.
வழக்கு விவரம்:
இந்த நடைமுறையால் கணினி வசதி மற்றும் இணையதள தெளிவு இல்லாத ஏழை கிராமப்புற மாணவர்கள் பொறியியல் படிப்பை இழக்க நேரிடும் என்று காஞ்சிபுரம் திமுக சட்டமன்ற உறுப்பினர் எழிலரன் வழக்கு தொடர்ந்துள்ளார்.ஆன்லைன் மட்டுமல்லாமல் ஆப்லைனிலும் விண்ணப்பங்களைப் பெற உத்தரவிட வேண்டும் என அந்த மனுவில் கோரி உள்ளார். இந்த வழக்கு நீதிபதிகள் வி.பார்த்திபன், ஆதிகேசவலு ஆகியோர் அடங்கிய டிவிஷன் பெஞ்சில் கடந்த மே 9ஆம் தேதி விசாரணைக்கு வந்தது.அப்போது கிராமப்புற மாணவர்களால் ஆன்லைன் மூலம் எப்படி விண்ணப்பக் கட்டணத்தை செலுத்த முடியும் என்று உயர் நீதிமன்றம் கேள்வி எழுப்பியது.தமிழகத்தில் கிராமங்களை சேர்ந்த பலர் வங்கி கணக்கு இல்லாமல் இருக்கின்றனர். அவ்வாறு வங்கி கணக்கு இல்லாத மாணவர்களின் பெற்றோர் டெபிட் கார்டு, கிரிடிட் கார்டை பயன்படுத்தி விண்ணப்ப தொகையை எப்படி செலுத்த முடியும். இதற்கு மாற்று நடவடிக்கையாக விண்ணப்ப தொகையை நேரடியாகவோ அல்லது வரைவோலையாகவோ செலுத்த அனுமதிக்க முடியுமா என்று கேள்வி எழுப்பினர். கட்டணம் செலுத்துவது மற்றும் தமிழில் விண்ணப்பிப்பது தொடர்பான அண்ணா பல்கலைக்கழகத்தின் நிலைப்பாட்டை அன்று(மே 10) பிரமாணப்பத்திரமாக தாக்கல் செய்ய வேண்டும் என்று உத்தரவிட்டனர். டி.டி. மூலம் கட்டணம் செலுத்தலாம் இந்த வழக்கு கடந்த மே 10 ஆம் தேதி அன்று மீண்டும் விசாரணைக்கு வந்தது. அண்ணா பல்கலைக்கழகம் சார்பில் ஆஜரான வழக்கறிஞர், விண்ணப்ப கட்டணத்தை வரைவோலையாகவும் செலுத்தலாம் என்றும், அதை உதவி மையங்களில் கொடுக்கலாம் என்றும் தெரிவித்தார். 42 உதவி மையங்களில் விண்ணப்பிக்க வரும் மாணவர்களுக்கு வழிகாட்ட போதுமான ஆட்கள் உள்ளதாகவும் அவர் தெரிவித்தார். ஒவ்வொரு உதவி மையத்திலும் இருவரே உள்ளதாகவும் , கிராமப்புற மாணவர்களுக்கு அங்கு சரியான வழிக்காட்டுதல் இல்லை என்றும் மனுதாரரின் வழக்கறிஞர் தெரிவித்தார்.
உயர்நீதிமன்றம் மறுப்பு:
இதையடுத்து தற்போது பி.இ ஆன்லைன் விண்ணப்பம், ஆன்லைன் கலந்தாய்வுக்கு தடை விதிக்க உயர்நீதிமன்றம் மறுப்பு தெரிவித்துள்ளது .மேலும் நேரடி விண்ணப்ப நடைமுறையை அனுமதிக்க வேண்டும் என்ற கோரிக்கையை ஏற்க முடியாது என்றும் சென்னை உயர்நீதிமன்றம் உத்தரவிட்டுள்ளது.
மேலும் செய்திகளுக்கு தினச்சுவடுடன் இணைந்திருங்கள்.
காஷ்மீர் : ஜம்மு மற்றும் காஷ்மீரின் சோனாமார்க் மற்றும் காகங்கீர் இடையிலான 'இசட்-மோர்' (Z-Morh) சுரங்கப்பாதையை இன்று பிரதமர் மோடி திறந்துவைத்தார்.…
சென்னை : குமரிக்கடல் மற்றும் அதனை ஒட்டிய பகுதிகளில் ஒரு வளி மண்டல கீழடுக்கு சுழற்சி நிலவுகிறது. இதன் காரணமாக,13-01-2025…
மதுரை : பொங்கல் திருநாள் வந்துவிட்டாளே மதுரை மாவட்டம் ஜல்லிக்கட்டு திருவிழாவால் விழாக்கோலம் பூண்டுவிடும். இந்த ஜல்லிக்கட்டு போட்டிகளை காண…
ஆந்திரப் பிரதேசம்: திருமலை லட்டு கவுண்டர்களில் தீ விபத்து ஏற்பட்டது. இதனால் பக்தர்கள் அச்சமடைந்து ஓடினர். பின்னர் சம்பவ இடத்திற்கு…
லாஸ் ஏஞ்சல்ஸ்: அமெரிக்காவில் கடந்த ஒரு வாரமாக பற்றி எரிந்து வரும் காட்டுத் தீக்கு பலியானோரின் எண்ணிக்கை 24ஆக உயர்ந்துள்ளது.…
திருவனந்தபுரம் : மகரஜோதி தரிசனத்திற்காக சபரிமலை ஐயப்பன் கோயில் கடந்த டிசம்பர் 30ஆம் தேதி திறக்கப்பட்டு தினந்தோறும் சிறப்பு பூஜைகள்…
