#BREAKING: தமிழகத்தில் 33,000-ஐ தாண்டிய கொரோனா பாதிப்பு.!

தமிழகத்தில் இன்று 1,562 பேருக்கு கொரோனா தொற்று உறுதி செய்யப்பட்டுள்ளது என்று சுகாதாரத்துறை தெரிவித்துள்ளது. 

தமிழகத்தில் தொடர்ந்து 9-வது நாளாக கொரோனா பாதிப்பு ஆயிரத்தை தாண்டியுள்ளது. இன்று 1,562 பேருக்கு கொரோனா தொற்று உறுதி செய்யப்பட்டதால் பாதிப்பு எண்ணிக்கை 33,229 ஆக அதிகரித்துள்ளது. அதிகபட்சமாக சென்னையில் இன்று மட்டும் 1,149 பேருக்கு கொரோனா உறுதியானதால் பாதிப்பு எண்ணிக்கை 23,298 ஆக உயர்ந்துள்ளது.

இன்று மட்டும் 17 பேர் உயிரிழந்த நிலையில், பலியானோர் எண்ணிக்கை 269 ஆக உயர்ந்துள்ளது என சுகாதாரத்துறை தெரிவித்துள்ளது. மேலும் இன்று 528 பேர் கொரோனாவில் இருந்து மீண்டுள்ளனர். இதுவரை கொரோனாவில் இருந்து 17,527 பேர் குணமடைந்து வீடு திரும்பியுள்ளனர்.

இன்று ஒரே நாளில் 14,982 பேரின் மாதிரிகள் பரிசோதனை செய்யப்பட்டுள்ளது. இதுவரை 6,07,952 பேரின் மாதிரிகள் பரிசோதனைக்கு உட்படுத்தப்பட்டுள்ளன. தற்போது மருத்துவமனையில் 15,413 பேர் சிகிச்சை பெற்று வருகின்றனர். இன்று பாதிக்கப்பட்ட  1,562 பேரில் 42 பேர் வெளிமாநிலம் மற்றும் வெளிநாடுகளில் இருந்து வந்தவர்கள் என்று தெரிவிக்கப்பட்டுள்ளது.