#BREAKING: பரம்பரை மருத்துவர்களுக்கு ஓய்வூதிய தொகை உயர்வு!

சென்னை தலைமை செயலகத்தில் 61 பயனாளிகளுக்கு ஆணைகளை வழங்கினார் முதலமைச்சர் ஸ்டாலின்.

தமிழ்நாடு மற்றும் இந்திய மருத்துவ கழகத்தில் பதிவு செய்துள்ள பரம்பரை, சித்தா, ஆயுர்வேதா, யுனானி மற்றும் ஓமியோபதி மருத்துவர்களுக்கு வழங்கப்பட்டு வந்த முதியோர் ஓய்வூதிய தொகையை உயர்த்தி, அதற்கான அரசாணையை முதலமைச்சர் முக ஸ்டாலின் வழங்கினார். அதன்படி, சுகாதாரத்துறை சார்பில் சென்னை தலைமை செயலகத்தில் நடைபெற்ற நிகழ்வில் 61 பயனாளிகளுக்கு ஆணைகளை வழங்கினார்.

பரம்பரை மருத்துவர்களுக்கான ஓய்வூதியத்தை ரூ.1000 லிருந்து ரூ.3,000 ஆக உயர்த்தப்பட்டுள்ளது. பரம்பரை மருத்துவர்களுக்கு முதியோர் ஓய்வூதிய தொகை உயர்த்தி வழங்கப்படும் என்ற அறிவிப்பு கடந்த சட்டமன்றத்தில் வெளியிடப்பட்ட நிலையில், தற்போது முதலமைச்சர் முக ஸ்டாலின் செயல்படுத்தியுள்ளார்.