#BREAKING: திரையரங்குகளில் பார்க்கிங் கட்டணத்தை மறுநிர்ணயம் செய்ய உயர்நீதிமன்றம் உத்தரவு!

திரையரங்குகளில் வாகனம் நிறுத்துவதற்கான கட்டணத்தை நிர்ணயித்து 2017-ல் தமிழக அரசு பிறப்பித்த உத்தரவு ரத்து.

சென்னை மாநகராட்சி பகுதியில் உள்ள திரையரங்குகளில் வாகன நிறுத்துவதற்கான கட்டணத்தை மறுநிர்ணயம் செய்ய தமிழக அரசுக்கு உயர்நீதிமன்றம் உத்தரவு பிறப்பித்துள்ளது. திரையரங்குகளில் வாகனம் நிறுத்துவதற்கான கட்டணத்தை நிர்ணயித்து 2017-ல் தமிழக அரசு பிறப்பித்த உத்தரவு ரத்து செய்யப்பட்டது. திரையரங்குகளில் பார்க்கிங் கட்டணம் குறைவாக உள்ளதாக கூறியுள்ளனர்.

அரசு உத்தரவை எதிர்த்து திரையரங்குகளின் சார்பில் தாக்கல் செய்த வழக்கில் உயர் நீதிமன்றம் உத்தரவிட்டுள்ளது. 3 மற்றும் 4 சக்கர வாகனங்களுக்கு ரூ.20, இரு சக்கர வாகனங்களுக்கு ரூ.10 என்று 2017ல் அரசு நிர்ணயித்த கட்டணத்திற்கு எதிராக வழக்கு தொடுக்கப்பட்டது. சென்ட்ரல் ரயில் நிலையம், விமான நிலையங்களில் அதிக கட்டணம் நிர்ணயித்து உள்ளதாகவும் மனுதாரர் தெரிவித்துள்ளார்.