#BREAKING : எடப்பாடி மற்றும் கே பி முனுசாமி அதிமுகவிலிருந்து நீக்கம் – ஓபிஎஸ் அதிரடி

எடப்பாடி பழனிசாமி, கே.பி.முனுசாமியை கட்சியை விட்டு நீக்குகிறேன் என ஓபிஎஸ் பேட்டி. 

அதிமுக பொதுக்குழு கூட்டம் சென்னை,வானகரத்தில் உள்ள ஸ்ரீவாரு மண்டபத்தில் நடைபெற்று வரும் நிலையில், ஓபிஎஸ் மற்றும் அவரது ஆதரவாளர்களை கட்சியில் இருந்து நீக்க வேண்டும் என்று பொதுக்குழு உறுப்பினர்கள் முழக்கம் எழுப்பி  வந்தனர்.

இந்நிலையில்,கட்சியின் அடிப்படை உறுப்பினர்,பொருளாளர் உள்ளிட்ட அனைத்து பொறுப்புகளிலிருந்தும் ஓபிஎஸ் நீக்கப்பட்டுள்ளதாக பொதுக்குழு அறிவித்துள்ளது.அதிமுகவின் கோட்பாடுகள் மற்றும் கட்சி விதிகளுக்கு எதிராக செயல்பட்டதால் ஓபிஎஸ்  மற்றும் அவரது ஆதரவாளர்களான வைத்திலிங்கம்,மனோஜ் பாண்டியன்,ஜெசிடி பிரபாகர் ஆகியோர் அடிப்படை உறுப்பினர் உள்ளிட்ட பொறுப்புகளில் இருந்து நீக்கப்பட்டுள்ளனர்.

இதனை தொடர்ந்து செய்தியாளர்களுக்கு பேட்டி அளித்த ஓபிஎஸ், என்னை கட்சியில் இருந்து நீக்க எடப்பாடி பழனிசாமிக்கும், கே.பி.முனுசாமிக்கும் அதிகாரம் இல்லை. எடப்பாடி பழனிசாமி, கே.பி.முனுசாமியை கட்சியை விட்டு நீக்குகிறேன். மேலும், உயர்நீதிமன்ற உத்தரவுக்கு எதிராக, என்னை அதிமுகவிலிருந்து நீக்கியதற்கு எதிராகவும் நீதிமன்றத்தில் மேல் முறையீடு செய்து உரிய நீதியை பெறுவோம் என தெரிவித்துள்ளார்.