#BREAKING :டிஎன்பிஎஸ்சி தேர்வில் முறைகேடு எதிரொலி – தேர்வு எழுத ஆதார் கட்டாயம்

டிஎன்பிஎஸ்சி தேர்வு எழுத ஆதார் கட்டாயம் என்று அறிவிக்கப்பட்டுள்ளது.

கடந்த ஆண்டு செப்டம்பர் மாதம் நடத்திய குரூப்-4 எழுத்து தேர்வில் பல்வேறு முறைகேடுகள் நடந்தது பெரும் சர்ச்சையை ஏற்படுத்தியது. இந்த தேர்வு முறைகேடு தொடர்பாக இடைத்தரகர்கள், அரசு ஊழியர்கள் உட்பட உட்பட பலர் கைது செய்யப்பட்டனர். இதுபோல குரூப்-2ஏ தேர்விலும் முறைகேடு நடந்திருப்பதாக புகார் எழுந்தது.இது தொடர்பாக சிபிசிஐடி போலீசார் விசாரணை மேற்கொண்டு வருகின்றனர்.

 

இந்நிலையில்  டிஎன்பிஎஸ்சி தேர்வில் பல்வேறு முறைகேடுகள் அம்பலமான நிலையில் கட்டுப்பாடுகளை விதிக்கப்பட்டுள்ளது. தேர்வு முறையில் 6 மாற்றங்கள் செய்யப்பட்டுள்ளது.

இணையத்தில் வெளியிடப்படும்: 

தேர்வு எழுதும் நபர்களின் விவரம் முழுமையாக இணையதளத்தில் வெளியிடப்படும்.

விடைத்தாள் நகல்களை பெறலாம் :

தேர்வு நடவடிக்கைகள் முடிந்த பின்னர் தேர்வர்களின் விடைத்தாள் நகல்களை இணையதளம் மூலமாக உரிய கட்டணம் செலுத்தி விடைத்தாள் நகல்களை பெற்றுக் கொள்ளலாம்.இம்முறை  ஏப்ரல் 1-ஆம் தேதி  முதல் அமலுக்கு வரும்.

விவரங்கள் வெளியிடப்படும் :

நிரப்பப்பட்ட இடங்கள் மற்றும் காலியாக உள்ள இடங்களின் விவரங்கள் தேர்வாணைய இணையதளத்தில் வெளியிடப்படும்.

தேர்வு எழுதும் மையம் :

தேர்வு எழுதும் மையங்களை தேர்வாணையமே இனி தேர்வு செய்யும்.

ஆதார் கட்டாயம் :

ஒருவர் ஒன்றுக்கும் மேற்பட்ட விண்ணப்பங்களை பதிவு செய்வதை தடுக்க ஆதார் கட்டாயமாக்கப்படுகிறது.தேர்வர்களின் கைரேகை பெறப்பட்டு ஆதாருடன் ஒப்பிட்ட பிறகே இனி தேர்வெழுத அனுமதி அளிக்கப்படுவர்.

தொழில்நுட்பத் தீர்வு :

முறைகேடுகள் இருப்பின் முன்கூட்டியே கண்டறியும் உயர் தொழில்நுட்பத் தீர்வு நடைமுறைப்படுத்தப்படும்.