#BREAKING : மின் உற்பத்தி நிலையங்களுக்கு போதுமான அளவு நிலக்கரி வழங்க நடவடிக்கை எடுக்ககோரி பிரதமருக்கு முதல்வர் கடிதம்..!

தமிழ்நாட்டில் உள்ள மின் உற்பத்தி நிலையங்களுக்கு போதுமான அளவு நிலக்கரி கிடைப்பதற்கு உதவிடுமாறு கோரி பிரதமருக்கு முதல்வர் மு.க.ஸ்டாலின் கடிதம்.

தமிழ்நாட்டில் உள்ள மின் உற்பத்தி நிலையங்களுக்கு போதுமான அளவு நிலக்கரி கிடைப்பதற்கு உதவிடுமாறு கோரி பிரதமருக்கு முதல்வர் மு.க.ஸ்டாலின் கடிதம் எழுதியுள்ளார். தமிழகத்தில் நாள் ஒன்றுக்கு 72 ஆயிரம் டன் நிலக்கரி தேவைப்படுகிறது. ஆனால் மத்திய அரசு குறைந்த அளவே நிலக்கரி தருகிறது என்றும் சட்டப்பேரவையில் அமைச்சர் செந்தில் பாலாஜி தெரிவித்திருந்த நிலையில், பிரதமருக்கு முதல்வர் இக்கடிதம் எழுதியுள்ளார்.

அந்த கடிதத்தில், ‘ தமிழக முதல்வர் மு.க.ஸ்டாலின் அவர்கள் தமிழகத்தில் மின் உற்பத்தி நிலையங்களுக்கு போதுமான நிலக்கரி கிடைக்க நடவடிக்கை தேவை என வலியுறுத்தியுள்ளார். 72,000 மெட்ரிக் டன் நிலக்கரி தேவை உள்ள நிலையில் 50,000 மெட்ரிக் டன் நிலக்கரி மட்டுமே கிடைக்கிறது. தடையற்ற மின் வினியோகத்தை பராமரிக்க அதிக விலை தந்து நிலக்கரி இறக்குமதி செய்ய வேண்டியுள்ளது.

நிலக்கரி எடுத்துச் செல்ல 22 ரேக்குகள் தேவைப்படும் நிலையில் 14 ரேக்குகள்  மட்டுமே வழங்கப் படுகின்றன. 72 ஆயிரம் மெட்ரிக் டன் நிலக்கரி வழங்குவதை உறுதி செய்ய அமைச்சகத்துக்கு பிரதமர் உத்தரவிட வேண்டும் என்றும், தமிழக உற்பத்தி நிலையங்களில் நிலக்கரி இருப்பு கவலை கொள்ளத் தக்க அளவை எட்டியுள்ளது. 72 ஆயிரம் மெட்ரிக் டன் நிலக்கரி ஒதுக்கினால் மட்டுமே தடையில்லா மின் வினியோகத்தை பராமரிக்க முடியும் என்றும் தெரிவித்துள்ளார்.