#BREAKING : பிரதமர் மோடியை சந்திக்க அடுத்த வாரம் டெல்லி விரைகிறார் முதல்வர் மு.க.ஸ்டாலின்..!

தமிழக முதல்வர் மு.க.ஸ்டாலின் அவர்கள் சென்னையில் 44வது செஸ் ஒலிம்பியாட் போட்டியை துவங்கி வைப்பதற்காக பிரதமரை நேரில் சந்தித்து அழைப்பு விடுக்க உள்ளார்.

சர்வதேச 44-வது செஸ் ஒலிம்பியாட் போட்டி தமிழகத்தில் சென்னையை அடுத்த மாமல்லபுரத்தில் வருகின்ற ஜூலை 28-ஆம் தேதி முதல் ஆகஸ்ட் 10-ஆம் தேதி வரை நடைபெற உள்ளது.செஸ் ஒலிம்பியாட் போட்டியில் 187 நாடுகளைச் சேர்ந்த 2,500-க்கும் மேற்பட்ட வீரர்கள் பங்கேற்க உள்ளனர்.

இந்த போட்டிக்கான ஏற்பாடுகள் தீவிரமாக நடைபெற்று வரும் நிலையில், தமிழக முதல்வர் மு.க.ஸ்டாலின் அவர்கள் சென்னையில் 44வது செஸ் ஒலிம்பியாட் போட்டியை துவங்கி வைப்பதற்காக பிரதமரை நேரில் சந்தித்து அழைப்பு விடுக்க உள்ளார். இதனையடுத்து, பிரதமரை சந்திப்பதற்காக அடுத்த வாரம் முதல்வர்  மு.க.ஸ்டாலின் அவர்கள் டெல்லி செல்ல உள்ளார்..