#BREAKING: சென்னை ஓபன் டென்னிஸ் தொடர் இன்று தொடக்கம்! பரிசுத்தொகை ரூ.2 கோடி!

சென்னையில் முதல் முறையாக சர்வதேச மகளிர் டென்னிஸ் தொடர் நடக்க உள்ளதால் ரசிகர்களிடையே மிகுந்த எதிர்பார்ப்பு.

சென்னை ஓபன் சர்வதேச மகளிர் டென்னிஸ் தொடர் நுங்கப்பாக்கம் ஏடிஏ மைதானத்தில் இன்று தொடங்கி வரும் 18-ஆம் தேதி வரை நடைபெறுகிறது. சென்னையில் முதல் முறையாக சர்வதேச மகளிர் டென்னிஸ் தொடர் நடக்க உள்ளதால் ரசிகர்களிடையே மிகுந்த எதிர்பார்ப்பு கிளம்பியுள்ளது. இந்தியாவின் அங்கிதா ரெய்னா, கர்மன் தண்டி, அமெரிக்காவின் அலிசன் ரிஸ்கே உள்ளிட்ட முன்னணி வீராங்கனைகள் பங்கேற்கின்றனர்.

தமிழ்நாடு டென்னிஸ் சங்கம் சார்பில் தமிழக அரசின் ஆதரவுடன் நடக்கு போட்டிக்கான மொத்த பரிசுத்தொகை ரூ.2 கோடியாகும். ஒற்றையர் பிரிவில் மகுடம் சூடும் வீராங்கனைக்கு ரூ.25 லட்சமும், இரட்டையர் பிரிவில் வெல்லும் ஜோடிக்கு ரூ.9 லட்சமும் பரிசுத்தொகை வழங்கப்படும். தினமும் மாலை 5 மணிக்கு தொடங்கும் போட்டிக்கான டிக்கெட்டை chennaiopenwta.in என்ற இணையதளத்தில் பெறலாம் என்றும் தெரிவிக்கப்பட்டுள்ளது.