#BREAKING: திருச்சி குழந்தைகள் காப்பகத்தில், 8 பச்சிளங்குழந்தைகளுக்கு மூச்சுத்திணறல்.!

திருச்சியில் கைவிடப்பட்ட குழந்தைகளுக்கான காப்பகத்தில் 8 பச்சிளங்குழந்தைகளுக்கு மூச்சுத் திணறல் ஏற்பட்டுள்ளது. 

திருச்சி மாவட்டத்தின் திருவானைக்காவலில் மாம்பலா சாலை பகுதியில் ஆதரவற்ற குழந்தைகளுக்கான காப்பகம் ஒன்று செயல்பட்டு வருகிறது. அந்த காப்பகத்தில் 20 குழந்தைகளுக்கு இன்று சளிக்கான தடுப்பூசி போடப்பட்டுள்ளது. அதில் 8 குழந்தைகளுக்கு திடீரென மூச்சுத் திணறல் ஏற்பட்டுள்ளது.

இதனையடுத்து, அவர்கள் அங்கிருக்கும் அரசு மருத்துவமனையில் சிகிச்சைக்காக அனுமதிக்கப்பட்டுள்ளனர். தற்போது அந்த குழந்தைகள் நலமாக இருப்பதாகவும், சளி காரணமாக தான் குழந்தைகளுக்கு மூச்சுத் திணறல் ஏற்பட்டுள்ளது எனவும், தடுப்பூசியினால் ஏற்படவில்லை என்றும் மருத்துவர்கள் தெரிவித்துள்ளனர்.