#Breaking:தமிழகம் முழுவதும் 25 இடங்கள்;ஆர்த்தி ஸ்கேன் மையங்களில் 2-வது நாளாக ஐடி ரெய்டு!

சென்னை உட்பட தமிழகம் முழுவதும் பல பகுதிகளில் ஆர்த்தி ஸ்கேன் நிறுவனத்திற்கு சொந்தமான மையங்களில் வருமான வரித்துறையினர் நேற்று சோதனை மேற்கொண்டனர்.அதன்படி,காஞ்சிபுரம்,சென்னை வடபழனியில் உள்ள ஆர்த்தி ஸ்கேன் அலுவலகம் மற்றும் தலைமை அலுவலகம்,குறிப்பாக ஆர்த்தி ஸ்கேன் மையத்துடன் தொடர்புடைய மருத்துவர்களின் வீடு உட்பட பல இடங்களில் வருமான வரித்துறை அதிகாரிகள் சோதனை மேற்கொண்டனர்.

ஏற்கனவே,ஆர்த்தி ஸ்கேன் நிறுவனத்தில் வருமான வரித்துறையினர் ஆய்வு நடத்தியதாக கூறப்படும் நிலையில்,வரி ஏய்ப்பு குற்றச்சாட்டின் காரணமாக ஆர்த்தி ஸ்கேன் நிறுவனத்திற்கு சொந்தமான இடங்களில் நேற்று சோதனை நடத்தப்பட்டது.

இந்நிலையில்,தமிழகம் முழுவதும் உள்ள ஆர்த்தி ஸ்கேன் மையங்களில் இரண்டாவது நாளாக வருமான வரித்துறையினர் இன்று சோதனை நடத்தி வருகின்றனர்.அதன்படி,சென்னையில் வடபழனி,அண்ணாநகர் உள்ளிட்ட 13 இடங்கள் உட்பட தமிழகம் முழுவதும் 25 இடங்களில் இரண்டாவது நாளாக ஐடி அதிகாரிகள் சோதனை மேற்கொண்டு வருகின்றனர்.

அதே சமயம்,வரி ஏய்ப்பு புகாரில் சிக்கிய ஆர்த்தி ஸ்கேன் மையத்துடன் தொடர்புடைய அலுவலர்கள்,மருத்துவர்களின் வீடுகளிலும் சோதனை நடத்தப்பட்டு வருகிறது.