பாஜக மாநில செயலாளர் எஸ்.ஜி. சூர்யாவை சிறையிலடைக்க உத்தரவு!

அவதூறு பரப்பிய புகாரில் கைது செய்யப்பட்ட பாஜக மாநில செயலாளர் எஸ்.ஜி. சூர்யாவை சிறையிலடைக்க உத்தரவு.

மதுரை எம்பி சு.வெங்கடேசன் குறித்து அவதூறு பரப்பிய புகாரில் தமிழ்நாடு பாஜக மாநில செயலாளர் எஸ்.ஜி.சூர்யாவை நேற்று இரவு சென்னை உள்ள அவரது வீட்டில் மதுரை தனிப்படை போலீசார் கைது செய்து மதுரைக்கு அழைத்து வந்து சென்றனர். கைதை தொடர்ந்து, எஸ்.ஜி.சூர்யா மதுரை அழைத்து செல்லப்பட்டார்.

அவதூறு பரப்பியதாக நேற்று இரவு சென்னையில் கைது செய்யப்பட்ட பாஜக மாநில செயலாளர் எஸ்.ஜி.சூர்யா, மதுரை முதலாவது விரைவு நீதிமன்றத்தில் இன்று ஆஜர்படுத்தி இருந்தது தனிப்படை காவல்துறை.

இந்த நிலையில், அவதூறு வழக்கு தொடர்பான விசாரணையின்போது பாஜக மாநில செயலாளர் எஸ்.ஜி. சூர்யாவிற்கு 15 நாட்கள் நீதிமன்ற காவலில், சிறையிலடைக்க மதுரை விரைவு நீதிமன்றம் உத்தரவிட்டுள்ளது. மார்க்சிஸ்ட் கம்யூனிஸ்ட் கட்சி குறித்து ட்விட்டரில் அவதூறு கருத்து பதிவிட்டதாக வழக்கில், நீதிமன்ற உத்தரவை தொடர்ந்து எஸ்.ஜி.சூர்யா மதுரை மத்திய சிறையில் அடைக்கப்பட்டார்.