முதல்வருடன் பாஜக தலைவர் எல்.முருகன் சந்திப்பு..!

சென்னை கிரீன்வேஸ் சாலை இல்லத்தில் முதலமைச்சர் எடப்பாடி பழனிசாமியுடன் தமிழக பாஜக தலைவர் எல்.முருகன் சந்தித்துள்ளார். அதிமுக – பாஜக கூட்டணி குறித்து முரண்பாடான கருத்து வெளியாகி வரும் நிலையில் சந்திப்பு நடைபெறுகிறது.

மேலும், அதிமுக முதல்வர் வேட்பாளராக எடப்பாடி பழனிசாமி அறிவிக்கப்பட்ட நிலையில் இந்த சந்திப்பு நடைபெறுகிறது. இந்த சந்திப்பில் பாஜக மாநில பொதுச்செயலாளர் கே.டிராகவன் உடன் உள்ளார். சமீபத்தில், பாஜகவின் மூத்த தலைவரும், முன்னாள் மத்திய அமைச்சருமான பொன்.ராதாகிருஷ்ணன், சட்டப்பேரவைத் தேர்தல் நெருங்க நெருங்க கூட்டணிகள் மாற வாய்ப்புள்ளது என்று கூறினார்.

இப்போது, உள்ள கூட்டணி பாராளுமன்ற தேர்தலுக்காக அமைக்கப்பட்ட கூட்டணி, சட்டமன்றத்துக்கு கூட்டணி அமைக்கப்படும் என குறியது சர்சையை ஏற்படுத்தியது என்பது குறிப்பிடத்தக்கது.