பாஜக அதிமுகவில் சசிகலாவை இணைப்பதற்கு மத்தியஸ்தம் செய்யவில்லை -எல்.முருகன்!

பாஜக அதிமுகவில் சசிகலாவை இணைப்பதற்கு மத்தியஸ்தம் செய்யவில்லை என தமிழக பாஜக தலைவர் எல்.முருகன் கூறியுள்ளார்.

சசிகலாவை அதிமுகவுடன் இணைப்பதற்கான முயற்சிகள் அனைத்தையும் பாஜக செய்வதாக அண்மையில் பேசப்பட்டதாக தகவல்கள் வெளியாகியது. பாஜக மகளிரணி மாநில செயற்குழு கூட்டம் சென்னை எழும்பூரில் நேற்று நடைபெற்றுள்ளது. இங்கு கலந்துகொண்ட தமிழக பாஜக தலைவர் எல்.முருகன் பேசுகையில், அதிமுகவில் சசிகலாவை இணைப்பதற்கான மத்தியஸ்தம் செய்யும் முயற்சியில் பாஜக ஈடுபடவில்லை என கூறியுள்ளார்.

மேலும் திமுக தலைவர் மு க ஸ்டாலின் மத்திய அரசு எந்த சட்டம் கொண்டுவந்தாலும் அதை கண்ணை மூடிக்கொண்டு எதிர்ப்பதினை மட்டுமே வேலையாக செய்து வருகிறார் என்பதை மக்கள் புரிந்து கொள்வார்கள் எனவும் அவர் கூறியுள்ளார்.