25 தொகுதிகளில் பாஜக வெற்றி பெறும் – பாஜக தலைவர் அண்ணாமலை பேட்டி

பாராளுமன்றத்தில்  25 தொகுதிகளில் பாஜக வெற்றி பெறும் பாஜக தலைவர் அண்ணாமலை பேட்டி.

சென்னையில் இன்று “CHENNAI LIT FEST” என்ற நிகழ்ச்சி நடைபெற்றது, இதில் பாஜக தலைவர் அண்ணாமலை கலந்து கொண்டார், இதன் பின்னர் செய்தியாளர்களை சந்தித்தார். அப்போது அவர் பேசுகையில், 2024 நாடாளுமன்ற தேர்தல் நிலவரம் குறித்து இப்போது எதுவும் கூற முடியாது.

மத்திய அமைச்சர் நிர்மலா சீதாராமனுடனான சந்திப்பு சாதாரணமானது தான், அரசியல் குறித்து பேசவில்லை. மேலும், தென் மாவட்டங்கள், கொங்கு மாவட்டங்களில் பாஜக வேகமாக வளர்ந்து வருகிறது. பாராளுமன்றத்தில் 25 தொகுதிகளில் பாஜக வெற்றி பெறும் அளவிற்கு நாங்கள் தயாராக வேண்டும்.

20 ஆண்டுகள் பின் பாஜக வளர்ச்சி பற்றி சிந்தித்தால் இப்போது செல்லும் பாதை சரியானதாக இல்லை என தனது அரசியல் குறித்து காரசாரமாக பேட்டி கொடுத்துள்ளார்.

ஆனால் இதற்கு முன்னர், இன்று செய்தியளர்களிடம் பேசிய இணையமைச்சர் எல்.முருகன், அதிமுக – பாஜக கூட்டணி வலுவாக உள்ளது. கூட்டணி குறித்து நிர்வாகிகள் மத்தியில் அண்ணாமலை பேசியதில் எந்த சர்ச்சையும் இல்லை. தமிழகத்தில் 9 தொகுதிகளை அடையாளம் கண்டு பாரளுமன்ற தேர்தலில் வெற்றி பெற திட்டமிட்டுள்ளோம் என்று கூறியது குறிப்பிடத்தக்கது.