தென்னக ரயில் நிலையங்களில் பேனர் வைக்க தடை..! உயர்நீதிமன்ற கிளை உத்தரவு..!

தெற்கு ரயில்வேவிற்கு சொந்தமான ரயில்கள், ரயில்நிலையங்களில் பேனர் வைக்க தடை என உயர்நீதிமன்ற மதுரை கிளை உத்தரவு பிறப்பித்து உள்ளது.
மதுரையை சார்ந்த பிரபாகரன் என்பவர் உயர்நீதிமன்ற மதுரை கிளையில் தொடர்ந்த வழக்கில் “உயர்நீதிமன்றம் விதித்த தடையை மீறி ரயில் நிலையங்களில் பேனர் மற்றும் கட்அவுட் வைத்து உள்ளதாகவும் ,இதனால் ரயில் பயணிகளுக்கு ,பொதுமக்களுக்கும் பாதிப்பு ஏற்படுகிறது.
இதனால் அனைத்து ரயில் நிலையங்களில் உள்ள பேனர் மற்றும் கட்அவுட் வைக்க தடை விதிப்பது மட்டுமல்லாமல் அவற்றை அகற்றவும் உத்தரவு பிறப்பிக்க வேண்டும் என கூறி இருந்தார்.
இந்த வழக்கை இன்று விசாரித்த நிதிபதிகள் அனைத்து ரயில் நிலையங்களில் உள்ள பேனர் மற்றும் கட்அவுட் வைக்க தடை விதித்தனர்.மேலும்  தமிழக அரசு பேனர் வைக்க தடை விதித்துள்ளது. அதற்க்கு ரயில் நிலையங்கள் மட்டும் விதிவிலக்கல்ல  என கூறினார்கள்.
தடையை மீறி பேனர் வைத்தால் ரயில்வே குற்றவியல் நடவடிக்கை எடுக்கவும் நீதிமன்றம் உத்தரவு பிறப்பித்தது.