இந்திய அளவில், சொந்த மாநில மக்கள் மிக விரும்பும் முதல்வராக மு.க.ஸ்டாலின் முதலிடம்!

இந்திய அளவில், சொந்த மாநில மக்கள் மிக விரும்பும் முதல்வராக தமிழ்நாட்டின் முதல்வர் மு.க ஸ்டாலின் முதலிடம்.

இந்திய அளவில், சொந்த மாநில மக்கள் மிக விரும்பும் முதல்வராக தமிழ்நாட்டின் முதல்வர் முக ஸ்டாலின் திகழ்கிறார். 42% ஓட்டுக்களை பெற்று மற்ற முதல்வர்களை விட முண்ணனியில் உள்ளார். பிரபல ஊடகமான இந்தியா டுடே எடுத்த “Mood of the Nation” கருத்துக்கணிப்பில் இது தெரிய வந்துள்ளது.

தமிழக முதர்வரை தொடர்ந்து, ஒடிசா முதல்வர் 38% வாக்குகள் பெற்று இரண்டாம் இடமும், கேரள முதல்வர் பினராயி விஜயன் 35% வாக்குகளை பெற்று மூன்றாம் இடத்திலும் உள்ளனர். இவர்களை அடுத்து, மகாராஷ்டிரா முதல்வர் உத்தவ் தாக்கரே, மேற்கு வங்க முதல்வர் மம்தா பானர்ஜி உள்ளிட்டோர் இருக்கின்றனர்.

இதுபோன்று, இந்தியாவின் பிரதமராக அடுத்த தேர்வாக நரேந்திர மோடியின் புகழ் கடந்த 6 மாதங்களில் வீழ்ச்சியடைந்துள்ளதுஎன்று இந்தியா டுடே நடத்திய “Mood of the Nation” கருத்துக்கணிப்பில் தெரியவந்துள்ளது.

கணக்கெடுப்பின்படி, பிரதமர் மோடி 24% அதிக வாக்குகளைப் பெற்றுள்ளார். அவர் பெற்ற வாக்குகளின் பங்கு ஜனவரி 2020 இல் 38% ஆகவும், ஆகஸ்ட் 2020 இல் 66% ஆகவும் குறைந்துள்ளது. ஒரு வருடத்தில் பிரதமர் மோடியின் புகழ் 40% குறைந்துள்ளதாக இந்தியா டுடே கணக்கெடுப்பு காட்டுகிறது.

பிரதமர் மோடிக்கு பிறகு, யோகி ஆதித்யநாத் அவருக்கு ஆதரவாக 11% வாக்குகளுடன் இரண்டாவது இடத்தில் உள்ளார். அதைத் தொடர்ந்து காங்கிரஸ் முன்னாள் தலைவர் ராகுல் காந்தி 10% வாக்குகளை பெற்றுள்ளார். மூட் ஆஃப் தி நேஷன் கணக்கெடுப்பு, ஜூலை 10 முதல் ஜூலை 20, 2021 வரை, 115 நாடாளுமன்ற மற்றும் 230 சட்டசபை தொகுதிகளில் 19 மாநிலங்களில் நடத்தப்பட்டது.

அதன்படி, ஆந்திரா, அசாம், பீகார், சத்தீஸ்கர், டெல்லி, குஜராத், ஹரியானா, ஜார்க்கண்ட், கர்நாடகா, கேரளா, மத்தியப் பிரதேசம், மகாராஷ்டிரா, ஒடிசா, பஞ்சாப், ராஜஸ்தான், தமிழ்நாடு, தெலுங்கானா, உத்தரப் பிரதேசம் மற்றும் மேற்கு வங்கம் என  மொத்தம் 14,559 நேர்காணல்கள் நடத்தப்பட்டன.

இதில், 71% கிராமப்புறம், 29% நகர்ப்புறங்கள் மற்றும் 50% நேருக்கு நேர் மற்றும் 50% தொலைப்பேசி நேர்காணல்கள் மூலம் நடத்தப்பட்டது என்று தெரிவித்துள்ளனர்.