கலைஞர் நூலகம் கட்டுவதில் காட்டும் ஆர்வத்தை எய்ம்ஸ் மருத்துவமனை கட்டுவதில் காட்டவில்லை – ஆர்.பி.உதயகுமார்

கலைஞர் நூலகம் கட்டுவதில் காட்டும் ஆர்வத்தை எய்ம்ஸ் மருத்துவமனை கட்டுவதில் காட்டவில்லை என ஆர்.பி.உதயகுமார் குற்றசாட்டு. 

அதிமுக முன்னாள் அமைச்சர் ஆர்.பி.உதயகுமார், முதலமைச்சர் மு.க.ஸ்டாலின் உத்தரவின் படி மதுரை திருமங்கலம் தொகுதியின் 10 முக்கிய பிரச்னைகள் அடங்கிய பட்டியலை அம்மாவட்ட ஆட்சியர் அனீஷ் சேகரிடம் வழங்கினார்.

அதனை தொடர்ந்து செய்தியாளர்களுக்கு பேட்டி அளித்த அவர், எய்ம்ஸ் மருத்துவமனை செங்கலை காட்டி வாக்கு சேகரித்து வெற்றி பெற்ற திமுக, ஒரு செங்கலை கூட எடுத்து வைக்கவில்லை. முதலமைச்சர், கலைஞர் நூலகம் கட்டுவதில் காட்டும் ஆர்வத்தை எய்ம்ஸ் மருத்துவமனை கட்டுவதில் காட்டவில்லை.

புதுமைப் பெண் திட்டத்திற்காக முதியோர் உதவித்தொகையை நிறுத்திவிட்டது திமுக. தமிழகத்தில் முதியோர் உதவித்தொகை பெறும் 37 லட்சம் பயனாளிகளுக்கு உதவித் தொகை நிறுத்தப்பட்டது என தெரிவித்துள்ளார்.