மனைவியே கணவனை அடியாட்களை வைத்து கொலை செய்த சம்பவம் தொடர்பாக 4 பேர் கைது!

முறைதவறிய உறவை கண்டித்த கணவனை  காஞ்சிபுரம் மாவட்டம் கல்பாக்கம் அருகே அடியாட்களை வைத்து மனைவியே கொலை செய்த சம்பவம் தொடர்பாக 4 பேர் கைது செய்யப்பட்டுள்ளனர்.

கல்பாக்கத்தை அடுத்த ஆயப்பாக்கம் வ.வு.சி.நகரைச் சேர்ந்த லோடு ஆட்டோ உரிமையாளரான செல்வம், நேற்று காலை பூந்தண்டலம் கிளையாறு அருகே வயல்வெளியில் சடலமாக கண்டெடுக்கப்பட்டார்.

கொலை குறித்து போலீசார் நடத்தி விசாரணையில், செல்வத்தின் மனைவியான சந்திரமதி, தனது கணவர் செல்வத்தை ஆட்களை வைத்து கொலை செய்ததை ஒப்புக் கொண்டார். இதையடுத்து சந்திரமதி, கொலைக்கு உடந்தையாக இருந்த ஆனந்த் என்பவரை போலீசார் கைது செய்ததோடு, மற்றவர்களை தேடி வந்தனர். இந்நிலையில் கொலை தொடர்புடையதாக ஸ்ரீதர், கார்த்தி, சுரேஷ், பிரகாஷ் ஆகிய நால்வரை தனிப்படை போலிசார் கைது செய்துள்ளனர்.

மேலும் செய்திகளுக்கு தினச்சுவடுடன் இணைந்திருங்கள்.