#BREAKING: ராணுவ ஹெலிகாப்டர் விபத்து – மத்திய அமைச்சர்கள் செய்தியாளர் சந்திப்பு..!

மத்திய அமைச்சரவை கூட்டம் முடிந்த நிலையில் இன்று மாலை 4 மணி அளவில் செய்தியாளர்களை மத்திய அமைச்சர்கள் சந்திக்கவுள்ளனர்.

கோவை சூலூர் விமானப்படை தளத்தில் இருந்து வெலிங்டன் சென்ற போது எம்.ஐ ரக ஹெலிகாப்டர் விபத்தில் சிக்கியது. இந்த ஹெலிகாப்டரில் முப்படைத் தளபதி பிபின் ராவத், அவரது மனைவி உட்பட 14 பேர் பயணம் செய்துள்ளனர். பனி மூட்டம் காரணமாக ஹெலிகாப்டர் விபத்தில் சிக்கியது என கூறப்படுகிறது.

குன்னூரில் விபத்தில் சிக்கிய ஹெலிகாப்டர், ஒன்றரை மணி நேரமாக தீப்பிடித்து எரிகிறது. விமான பெட்ரோல் என்பதால் ஹெலிகாப்டரில் தீ அணையாமல் தொடர்ந்து எரிகிறது. விபத்து நடந்த இடத்தில் 4 பேரின் உடல்கள் மீட்கப்பட்டது. சம்பவ இடத்தில் இருந்து காயங்களுடன் மீட்கப்பட்ட 3 பேர் சிசிக்சை பலனின்றி உயிரிழந்தனர்.

இதனால், இதுவரை 7 ராணுவ அதிகாரிகள் உயிரிழந்துள்ளனர். விபத்து நடத்த இடத்தில் இருந்து 10 கி.மீ தொலைவில் தான் வெலிங்டன் ராணுவ பயிற்சி மையம் உள்ளது. தற்போது மீட்பு பணிகள் தீவிரமாக நடந்து வருகிறது. இந்நிலையில், மத்திய அமைச்சர்கள் கூட்டம் முடிந்த நிலையில் இன்று மாலை 4 மணி அளவில் செய்தியாளர்களை மத்திய அமைச்சர்கள் சந்திக்கவுள்ளனர்.

இந்த சந்திப்பின் போது அமைச்சரவைக் கூட்டத்தில் விவாதிக்கப்பட்ட விவரம் தொடர்பாக தெரிவிக்க உள்ளனர். மேலும், ஹெலிகாப்டர் விபத்தில் பிபின் ராவத் சிக்கிய நிலையில் அவரது நிலையைப் பற்றி அமைச்சர்கள் தெரிவிக்கவாய்ப்புள்ளது. முப்படைகளின் தலைமைத் தளபதி பிபின் ராவத் உடல் நிலை குறித்து அதிகாரப்பூர்வமாக எந்த ஒரு தகவலும் இன்னும் தெரிவிக்கப்படவில்லை.