#Breaking: நீதிமன்றத்தில் துப்பாக்கியால் சுட்டு ஆயுதப்படை காவலர் தற்கொலை!

கிருஷ்ணகிரி நீதிமன்றத்தில் ஆயுதப்படை காவலர் அன்பரசன் துப்பாக்கியால் சுட்டு தற்கொலை செய்து கொண்டார்.

கிருஷ்ணகிரி மாவட்டம், ராயக்கோட்டை சாலை பகுதியில் ஒருங்கிணைந்த நீதிமன்றமும், கிருஷ்ணகிரி மாவட்ட கூடுதல் நீதிமன்றமும் அமைந்துள்ளது. இந்த நீதிமன்றத்தின் நீதிபதி காலை என்பவருக்கு பாதுகாவலராக கிருஷ்ணகிரி, பூந்தோட்டத்தை சேர்ந்த அன்பரசன் ஈடுபட்டு வந்தார். ஆயுதப்படை காவலராக இவர், நீதிமன்ற வளாகத்தில் தனது துப்பாக்கியால் சுட்டு தற்கொலை செய்து கொண்டார்.

நீதிமன்ற கட்டடத்தில் தற்கொலை செய்துகொண்ட காவலர் அன்பரசனின் உடலை கைப்பற்றி, தற்கொலைக்கான காரணம் குறித்து போலீசார் தீவிரமாக விசாரணை மேற்கொண்டு வருகின்றனர்.