மாணவர்களே தயாரா? 12 ஆம் வகுப்பு பொதுதேர்வுகள் நாளை தொடக்கம்.!

தமிழ்நாட்டில் 12 ஆம் வகுப்பு பொதுதேர்வுகள் நாளை மார்ச்-13 ஆம் தேதி தொடங்குகிறது.

தமிழ்நாட்டில் நாளை 12 ஆம் வகுப்பு பொதுதேர்வுகள் தொடங்கி, ஏப்ரல் 3 வரை நடைபெறுகிறது. தமிழ்நாடு அரசுத் தேர்வுகள் இயக்குநரகம் வெளியிட்டுள்ள அறிக்கையின் படி 12ஆம் வகுப்பு பொதுத்தேர்வுகள் மார்ச்-13 முதல் ஏப்ரல் 3 வரையிலும், 10ஆம் வகுப்பு பொதுத்தேர்வுகள் மார்ச் 14 முதல் ஏப்ரல் 5, 2023 வரை நடைபெறுகிறது.

8.8 லட்சத்துக்கும் அதிகமான மாணவர்கள் இந்த பொதுத் தேர்வினை எழுதிகின்றனர், மற்றும் 3,169 மையங்களில் இந்த தேர்வு நடத்தப்படுகிறது. தேர்வு காலை 10:00 மணிக்கு தொடங்கி மதியம் 1:15 மணிக்கு முடிவடையும். முதல் 10 நிமிடங்கள் வினாத்தாளைப் படிப்பதற்கும், அடுத்த 5 நிமிடங்கள் விவரங்கள் சரிபார்ப்பதற்கும் கொடுக்கப்படும்.

தேர்வுக்கு செல்லும் மாணவர்கள் சரியான பள்ளி சீருடையுடன், குறிப்பிட்ட நேரத்திற்கு முன்னதாகவே தேர்வு மையத்திற்கு செல்லுமாறு அறிவுறுத்தப்படுகிறது. மேலும் அடையாள அட்டை மற்றும் தேர்வுக்கான ஹால்டிக்கெட் கொண்டு செல்லுமாறும் மாணவர்களுக்கு அறிவுறுத்தப்படுகிறது.