இந்த மூன்று நபர்களை தவிர யார் வந்தாலும் அரவணைப்போம்.! அதிமுக முன்னாள் அமைச்சர் ஜெயக்குமார் பேட்டி.!

ஓ.பன்னீர்செல்வம், டிடிவி.தினகரன், சசிகலா இவர்கள் மூன்று பேரை தவிர யார் வந்தாலும் அவர்களை நாங்கள் அரவணைத்து ஏற்றுக்கொள்வோம். – முன்னாள் அதிமுக அமைச்சர் ஜெயக்குமார். 

ஓ.பன்னீர்செல்வத்தால் ஈரோடு கிழக்கு மாவட்ட செயலாளராக நியமிக்கபட்டு இருந்த முருகானந்தம் கட்சி தலைமை செயல்பாடுகளால் கருத்து வேறுபாடு ஏற்பட்டு தற்போது எடப்பாடி பழனிசாமி அணியில் தன்னை இணைத்துக்கொண்டார். மேலும்,  மற்ற உறுப்பினர்களும் இணைய விருப்பம் தெரிவித்ததாகவும் குறிப்பிட்டார்.

ஓபிஎஸ் – நாக்கவுட் : இந்நிலையில் இது குறித்து முன்னாள் அதிமுக அமைச்சர் ஜெயக்குமார் செய்தியாளர்களிடம் பேசுகையில், ஓ.பன்னீர்செல்வம், டி.டி.வி.தினகரன், சசிகலா குறித்தும் பேசினார். அவர் கூறுகையில், நான் ஏற்கனவே கூறியது போல ஓபிஎஸ் நாக்அவுட் ஆகிவிட்டார். அவர் ஆட்டத்திலேயே இல்லை என குறிப்பிட்டார்.

இவர்களை தவிர.. : ஒவ்வொருவராக அதிமுகவில் தஞ்சம் அடைந்து வருகிறார்கள். யார் வந்தாலும் அவர்களை அதே மரியாதையோடு ஏற்று கொள்வோம்.  ஓ.பன்னீர்செல்வம், டிடிவி.தினகரன், சசிகலா இவர்கள் மூன்று பேரை தவிர யார் வந்தாலும் அவர்களை நாங்கள் அரவணைத்து ஏற்றுக்கொள்வோம் என செய்தியாளர்களிடம் குறிப்பிட்டார் முன்னாள் அதிமுக அமைச்சர் ஜெயக்குமார்.