அண்ணாமலை “திரைப்பட எடிட்டர்” வேலைக்கு தகுதியானவர் – டி.கே.எஸ்.இளங்கோவன்

அநாகரீக அரசியல் போக்கை நிறுத்திக் கொள்ள வேண்டும் என பாஜக மாநில தலைவர் அண்ணாமலைக்கு டி.கே.எஸ்.இளங்கோவன் எச்சரிக்கை.

திமுகவினர் பேச்சை வெட்டி, ஒட்டி தயார் செய்யும் பாஜக மாநில தலைவர் அண்ணாமலை திரைப்பட எடிட்டர் வேளைக்கு தகுதியானவர் என்று திமுக செய்தி தொடர்பாளர் டி.கே.எஸ்.இளங்கோவன் விமர்சித்துள்ளார். இதுதொடர்பாக அவர் கூறுகையில், அண்ணாமலை வெட்டி, ஒட்டி அவதூறு பரப்புவதாக குற்றசாட்டினார். திமுக பொருளாளர் டி.ஆர்.பாலுவின் முழு பேச்சு வெளியாகியுள்ள நிலையில், அண்ணாமலை வெட்டும், ஒட்டும் பணியில் ஈடுபடுகிறார் எனவும் தெரிவித்தார்.

மேலும், திமுகவை குறை கூற எதுவும் இல்லை என்பதால் திமுகவினர் பேச்சை வெட்டி, ஒட்டி பாஜகவை வளர்க்க அண்ணாமலை முயற்சி செய்து வருகிறார் என்றும் டிஆர் பாலுவின் வீடியோவை கட் அண்ட் பேஸ்ட் செய்து மலிவான பிரச்சாரத்தில் அண்ணாமலை ஈடுபடுவதாகவும், இத்தகைய அநாகரீக அரசியல் போக்கை நிறுத்திக் கொள்ள வேண்டும் எனவும் கூறியுள்ளார்.