அமமுக என்பது "தாய்மடி அல்ல பேய் மடியே" – நாஞ்சில் சம்பத் கருத்து !

அம்மா மக்கள் முன்னேற்ற கழகம் என்பது தாய்மடி அல்ல பேய் மடியே என்று அமமுக முன்னாள் கொள்கை பரப்புச் செயலாளர் நாஞ்சில் சம்பத் அவர்கள் தெரிவித்துள்ளார்.
அமமுக வில் இருந்து விலகிய தங்க தமிழ்ச்செல்வன் திமுக தலைவர் ஸ்டாலின் முன்னிலையில் தன்னை திமுகவில் இன்று இணைத்துக் கொண்டார். இது தொடர்பாக, அமமுக முன்னாள் கொள்கை பரப்பு செயலாளராக இருந்து விலகிய நாஞ்சில் சம்பத் கூறுகையில், இன்று டிடிவி தினகரன் தலைமையில் இருக்கும் அமமுக கட்சியானது தாய்மடி அல்ல என்றும் அது ஒரு பேய்மடி என்று தெரிவித்துள்ளார்.
டிடிவி தினகரன் கட்சி தொடங்கிய போது அவருடன் இருந்த முக்கியமான தலைவர்களுக்குள் நாஞ்சில் சம்பத் அவரும் ஒருவர். பின்னர், அமமுக இருந்து விலகி அரசியலில் இருந்து விலகி ஓய்வில் இருந்து வருகிறார். தற்போது தங்க.தமிழ்ச்செல்வன் விலகிய நிலையில், டிடிவி யின் உண்மை முகம் தற்போது வெளிப்பட்டுள்ளது என்று கூறியுள்ளார். இன்னும் நிறைய பேர் அந்த கட்சியில் இருந்து விலகி வருவதாகவும் கூறியுள்ளார்.