திமுக அபகரித்த 14,000 ஏக்கர் நிலங்களை மீட்டுக் கொடுத்தது அதிமுக – முதல்வர்..!

தமிழகத்தின் அனைத்து துறையிலும் இந்திய அளவில் விருதுகளை குவித்து வருகிறது என முதலமைச்சர் பழனிசாமி தெரிவித்தார்.

மதுரை, மேலூர் தொகுதி அதிமுக வேட்பாளர்களை ஆதரித்து முதலமைச்சர் பழனிசாமி பிரசாரம் மேற்கொண்டார். அப்போது, பேசிய முதல்வர், தமிழகத்தில் தற்போது சட்டத்தின் ஆட்சி நடைபெற்று வருகிறது. மதுரை கிழக்குத் தொகுதி திமுக வேட்பாளர் அராஜகமானவர் என்றும் அதிமுக வேட்பாளர் அமைதியான பண்பாளர் என கூறினார். கண்ணுக்கு தெரியாத காற்றில் கூட ஊழல் செய்த கட்சி திமுக என விமர்சனம் செய்தார்.

மேலும், திமுகவினர் அபகரித்த 14,000 ஏக்கர் நிலங்களை மீட்டுக் கொடுத்தது அதிமுக, ஒரு மாநிலம் எப்படி இருக்க வேண்டும் என்பதற்கு தமிழகம் இந்தியாவிற்கு முன் உதாரணம் என கூறினார். தமிழகத்தின் அனைத்து துறையிலும் இந்திய அளவில் விருதுகளை குவித்து வருகிறது. தமிழகத்தில் மறுபடியும் திமுக ஆட்சிக்கு வந்தால் கட்டப்பஞ்சாயத்து அதிகமாகும் என கூறினார்.