அதிமுக அலுவலகம் வழக்கு – சி.வி.சண்முகம் கூடுதல் மனு தாக்கல்!

அதிமுக அலுவலக மோதல் தொடர்பான வழக்கில் முன்னாள் அமைச்சர் சி.வி.சண்முகம் கூடுதல் மனு தாக்கல்.

அதிமுக அலுவலக மோதல் தொடர்பான வழக்கில் முன்னாள் அமைச்சர் சி.வி.சண்முகம் சென்னை உயர் நீதிமன்றத்தில் கூடுதல் மனு தாக்கல் செய்துள்ளார். இந்த வழக்கில் உரிய விசாரணை நடத்த சிபிசிஐடி-க்கு தகுந்த உத்தரவுகளை பிறப்பிக்க டிஜிபி-க்கு உத்தரவிட வேண்டும் என மனுவில் தெரிவித்துள்ளார்.

டிஜிபி உத்தரவிட தவறினால் வழக்குகளை வேறு தன்னிச்சையான விசாரணை அமைப்பு விசாரிக்க உத்தரவிட வேண்டும் எனவும் வலியுறுத்தியுள்ளார். அதிமுக அலுவலக மோதல் தொடர்பான வழக்கு சிபிசிஐடி-க்கு மாற்றிய பிறகும் விசாரணை தொடங்கப்படவில்லை என்றும் குற்றச்செயல் நடந்த இடத்தை பார்வையிடவில்லை எனவும் மனுவில் குறிப்பிட்டுள்ளார்.