கடந்த 10 ஆண்டுகளில் அதிமுக எந்த வாக்குறுதிகளையும் செயல்படுத்தவில்லை – அமைச்சர் மா.சுப்பிரமணியன்

கடந்த 10 ஆண்டுகளில் அதிமுக எந்த வாக்குறுதியும் செயல்படுத்தவில்லை என அமைச்சர் மா.சுப்பிரமணியன் தெரிவித்துள்ளார். 

அதிமுக சார்பில் நேற்று திமுக அரசுக்கு எதிராக தேர்தலில் கொடுத்த வாக்குறுதிகள் எதையும் நிறைவேற்றவில்லை என்றும், குறிப்பாக தேர்வு ரத்து பெட்ரோல் டீசல் விலை குறைப்பு உள்ளிட்ட நடவடிக்கைகளை மேற்கொள்ளவில்லை என்றும் பல்வேறு குற்றச்சாட்டுகளை முன்வைத்து போராட்டம் நடத்தினர்.

இந்நிலையில், இது தொடர்பாக சென்னையில் செய்தியாளர்களை சந்தித்த அமைச்சர் மா.சுப்பிரமணியன் அவர்கள் கடந்த 10 ஆண்டுகளில் அதிமுக எந்த வாக்குறுதியும் செயல்படுத்தவில்லை. மதுக்கடைகளை படிப்படியாக மூடப்படவில்லை, பால் விலை குறைக்கப்படவில்லை, அதிமுக தேர்தல் அறிக்கையில் சொன்னது இதுவரை செய்யவில்லை என்று குற்றம் சாட்டினார்.

மேலும், மதுரையில் எய்ம்ஸ் தொடர்பான விவரங்கள், மத்திய அரசிடம் ஒப்படைக்கப்பட்டுள்ளதாகவும், மாணவர் சேர்க்கைக்கு மத்திய அரசு கொடுக்கும் யோசனைகள் எதுவும் ஏற்கும் வகையில் இல்லை என்றும் தெரிவித்துள்ளார்.