அதிமுக பொதுச்செயலாளர் தேர்தல் : ஓ.பி.எஸ். தரப்பு வாதம்

ஓ.பி.எஸ். தரப்பு வாதம்:

நிரந்தர பொதுச்செயலாளர் ஜெயலலிதாதான் என அறிவித்துவிட்டு இந்த தேர்தலை அறிவித்துள்ளனர். வெள்ளிக்கிழமை காலை பொதுக்குழு வழக்கை விசாரித்து நீதிமன்றம் தள்ளிவைத்த நிலையில், அன்று மாலையே தேர்தல் அறிவிக்கப்பட்டுள்ளது.

தடை கோரிய வழக்கு விசாரணையத் தொடங்கியது :

அதிமுக பொதுச்செயலாளர் தேர்தலுக்கு தடைக்கோரி சென்னை உயர் நீதிமன்றத்தில் ஓபிஎஸ் தரப்பில் அவசர வழக்கு தாக்கல் செய்யப்பட்டது. மனோஜ் பாண்டியன் தாக்கல் செய்த மனுவின் மீதான வழக்கு விசாரணைத் தொடங்கியுள்ளது.

அதிமுக பொதுச்செயலாளர் தேர்தல் வேட்புமனு தாக்கல் தொடங்கியது :

வேட்புமனு தாக்கல் செய்ய இன்று மாலை 3 மணியுடன் அவகாசம் நிறைவடைகிறது. நூற்றுக்கணக்கான அதிமுக தொண்டர்கள் கட்சி தலைமை அலுவலகம் முன்பு குவிந்துள்ளனர்.