அதிமுக கூட்டணி முரண்பட்டது, சட்டமன்ற தேர்தலில் திமுக வெற்றி பெற்று மு.க ஸ்டாலின் முதல்வர் ஆவார் – முத்தரசன்!

திமுக கூட்டணி சட்டமன்ற தேர்தலில் வெற்றி பெரும் எனவும், மு.க ஸ்டாலின் தான் முதல்வராவார் எனவும் இந்திய கமியூனிஸ்ட் மாநில செயலாளர்  முத்தரசன் பேச்சு.

விருதுநகர் மாவட்டம் வத்திராயிருப்பு அருகே சுந்தரபாண்டியம் எனுமிடத்தில் மறைந்த இந்திய கம்யூனிஸ்ட் கட்சி மாவட்ட குழு உறுப்பினர் உயிலுமுத்து அவர்களின் படத்திறப்பு விழா நடைபெற்று உள்ளது. இந்த நிகழ்ச்சியில் கலந்துகொண்ட தமிழக இந்திய கம்யூனிஸ்ட் கட்சியின் செயலாளர் முத்தரசன் அவர்கள் நிகழ்ச்சியில் பேசிய போது, அவர் கொள்கை சார்ந்த கூட்டணி தான் திமுகவின் கூட்டணி எனவும் சட்டமன்றத் தேர்தலில் திமுகவுடன் கூட்டணி வெற்றி பெற்று மு க ஸ்டாலின் முதல்வர் ஆவார் எனவும் கூறியுள்ளார். அதிமுக கூட்டணியில், உள்ள பாமக நிறுவனர் ராமதாஸ் அவர்கள் வேளாண் சட்டத்தை எதிர்ப்பவர், அதே சமயம் முதல்வர் எடப்பாடி பழனி சாமி வேளாண் சட்டத்துக்கு ஆதரவானவர் எனவே அது முரண்பட்ட கூட்டணி எனவும் கூறியுள்ளார்.