#BREAKING: நாளை நடக்கவிருந்த ஆர்ப்பாட்டம் ஒத்திவைப்பு- அதிமுக அறிவிப்பு.!

நாளை அதிமுக சார்பில் நடைபெறவிருந்த ஆர்ப்பாட்டம்  வரும் சனிக்கிழமை காலை 11 மணியளவில் நடைபெறும் என அறிவிக்கப்பட்டுள்ளது.

அதிமுக ஒருங்கிணைப்பாளர் ஓ.பன்னீர் செல்வம்,இணை ஒருங்கிணைப்பாளர் எடப்பாடி பழனிசாமி  இணைந்து வெளியிட்டுள்ள அறிக்கையில், அனைத்திந்திய அண்ணா திராவிட முன்னேற்றக் கழகத்தின் சார்பில், மக்கள் பிரச்சனைகளில் கவனம் செலுத்தாத திமுக அரசைக் கண்டித்து, மாவட்டத் தலைநகரங்களில் 9.12.2021 அன்று நடைபெறுவதாக இருந்த கண்டன ஆர்ப்பாட்டம் ஒத்தி வைக்கப்பட்டு, வருகின்ற 11.12.2021 சனிக் கிழமை காலை 11 மணியளவில், இந்த மாபெரும் கண்டன ஆர்ப்பாட்டம் நடைபெறும் என்பதைத் தெரிவித்துக் கொள்கிறோம் என தெரிவித்துள்ளனர்.

குன்னூரில் முப்படைகளின் தளபதி பிபின் ராவத் சென்ற விமானம் விபத்துக்குள்ளானது இதைத்தொடர்ந்து நாளை அதிமுக சார்பில் நடைபெறவிருந்த ஆர்ப்பாட்டம் ஒத்திவைக்கப்பட்டது என்பது குறிப்பிடத்தக்கது.