எதிர்ப்பு பதாகைகளுடன் சட்டப்பேரவையில் நுழைந்த காங்கிரஸ் எம்எல்ஏக்கள்.! அனுமதி மறுப்பு.?

பாஜகவுக்கு எதிராக, எதிர்ப்பு பதாகைகளுடன் காங்கிரஸ் எம்எல்ஏக்கள் தமிழக சட்டப்பேரவைக்குள் நுழைந்தனர். 

அவதூறு வழக்கில் 2 ஆண்டுகள் சிறைத்தண்டனை பெற்றதை தொடர்ந்து ராகுல்காந்தி, எம்பி பதவியில் இருந்து சஸ்பெண்ட் செய்யப்பட்டார் . இதற்கு காங்கிரஸ் கட்சி மட்டுமின்றி பல்வேறு எதிர்கட்சியினரும் தங்கள் எதிர்ப்பை தெரிவித்து வருகின்றனர்.

கருப்பு சட்டை :

காங்கிரஸ் கட்சியினர் தங்கள் எதிர்ப்பை காட்ட இன்று நாடாளுமன்றம் மற்றும் சட்டப்பேரவைகளில் கருப்பு சட்டை அணிந்து வந்துள்ளனர். ஏற்கனவே நாடாளுமன்றத்தில் காங்கிரஸ் மற்றும் திமுகவினர் கருப்பு சட்டை அணிந்து தங்கள் எதிர்ப்பை வெளிக்காட்டி வருகின்றனர். 

பதாகைகள் :

அதே போல காங்கிரஸ் கட்சி எம்எல்ஏக்கள் தமிழக சட்டப்பேரவைக்குள் கருப்பு சட்டை அணிந்து மத்திய அரசுக்கு எதிரான தங்கள் எதிர்ப்பை வெளிப்படுத்தி வருகின்றனர். அதே போல, ராகுல்காந்திக்கு ஆதரவாகவும், மத்திய அரசுக்கு எதிராகவும் பதாகைகளை ஏந்திஆர்ப்பாட்டம் நடத்தி வருகின்றனர்.

அனுமதி மறுப்பு :

மேலும், இன்று இரவு சட்டப்பேரவை வளாகத்தில் உள்ளிருப்பு போராட்டத்தில் ஈடுப்படவும் உள்ளதாக காங்கிரஸ் எம்எல்ஏக்கள் தெரிவித்து உள்ளனர். இதக்ரு முன்னதாக சட்டப்பேரவைக்குள் பதாகைகளுடன் நுழைய காங்கிரஸ் எம்எல்ஏக்களுக்கு அனுமதி மறுக்கப்பட்டதாக தகவல் வெளியாகியுள்ளது.