வெளிமாநில தொழிலாளர்களுக்கு உதவ நடவடிக்கை-முதல்வர் பழனிசாமி

கொரோனா தொற்று முன்னெச்சரிக்கை நடவடிக்கை காரணமாக நாடு முழுவதும் ஊரடங்கு அமல்படுத்தப்பட்டிருந்து. இதனால் அத்தியாவசியமான தேவைகள் தவிர மற்ற நேரங்களில் மக்கள் வெளியே வர தடை விதிக்கப்பட்டுள்ளது. மருந்து கடை, உணவகங்கள் (பார்சல் மட்டும் ) ஆகியவை வழக்கம்போல இயங்கலாம் எனவும், மளிகை கடைகள், காய்கறிக்கடைகள், பெட்ரோல் பல்க் ஆகியவை குறிப்பிட்ட நேரத்தில் இயங்கவும் அனுமதிக்கப்பட்டது. 

இந்நிலையில் பிறமாநில தொழிலாளர்களுக்கு அந்தந்த நிறுவனங்களே உணவு, இருப்பிடம் வழங்க வேண்டும் என்று முதலமைச்சர் பழனிசாமி உத்தரவு பிறப்பித்துள்ளார்.மேலும் மாவட்ட ஆட்சியர்கள் இதை உறுதி செய்ய வேண்டும்என்றும்  பிற மாநில தொழிலாளர்களுக்கு மருத்துவ வசதி வழங்கவும் உத்தரவு  பிறப்பித்துள்ளார்.