அஜினோமோட்டோவை தமிழகத்தில் தடை செய்ய நடவடிக்கை – அமைச்சர் கே.சி.கருப்பண்ணன்

அஜினோமோட்டோவை தமிழகத்தில் தடை செய்ய நடவடிக்கை எடுக்கப்படும் என்று சுற்றுச்சூழல் துறை அமைச்சர் கே.சி.கருப்பண்ணன் தெரிவித்துள்ளார்.
சுற்றுச்சூழல் துறை அமைச்சர் கே.சி.கருப்பண்ணன் செய்தியாளர்களிடம் பேசினார்.அப்பொழுது அவர் கூறுகையில், அஜினோமோட்டோவை தடை செய்ய நீண்ட நாட்களாக பொதுமக்கள் கோரிக்கை விடுத்து வருகின்றனர்.அஜினோமோட்டோவை தமிழகத்தில் தடை செய்ய நடவடிக்கை எடுக்கப்படும்.
தமிழகத்தில் அஜினோமோட்டோவை தடைசெய்வது குறித்து முதலமைச்சரின் கவனத்திற்கு கொண்டு செல்லப்படும். கடந்தாண்டை போலவே இந்தாண்டும் தீபாவளிக்கு பட்டாசு வெடிப்பதற்கான நேர கட்டுப்பாடு கண்டிப்பாக கடைபிடிக்கப்படும் . நேர கட்டுப்பாடு குறித்த அறிவிப்பு விரைவில் வெளியிடப்படும்.சுற்றுச்சூழலுக்கு அதிக மாசு ஏற்படுத்தாத பட்டாசுகளை மட்டுமே வெடிக்க அனுமதி தரப்படும், அதற்கான ஆய்வுகள் நடைபெற்று வருகிறது என்று தெரிவித்துள்ளார்.