தஞ்சை கோயிலில் அதிரடி சோதனை..!ஐஜி.பொன்.மாணிக்கவேல் தலைமையில் ஆய்வு ..!

சென்னையில் கடந்த சில நாட்களாக நடத்தப்பட்டு வரும் சோதனையை தொடர்ந்து தஞ்சை கோயிலிலும்  ஐஜி.பொன்.மாணிக்கவேல் தலைமையில்  அதிரடி சோதனை நடைபெற்று வருகிறது.

தமிழகத்தில் சமீபகாலமாக சிலை கடத்தல்கள் அதிகரித்து கொண்டே வருகிறது.மேலும் குஜராத்தில் உள்ள சாராபாய் கலிக்கோ ஃபவுண்டேஷன் என்ற அருங்காட்சியத்தில் இருந்து மீட்கப்பட்ட சுமார் 150 கோடி ரூபாய் மதிப்பிலான ராஜராஜ சோழன், உலகமாதேவி சிலைகளை மீட்டு சென்னைக்கு சமீபத்தில்பொன்.மாணிக்கவேல் தலைமையிலான சிலை கடத்தல் தடுப்புப்பிரிவு போலீசார் கொண்டு வந்தனர்.

செப்டம்பர் 27 ஆம் தேதி சென்னை சைதாப்பேட்டையில் உள்ள தொழிலதிபர் ரன்வீர்ஷா வீட்டில் சோதனை நடத்தி 4 ஐம்பொன் சிலைகள் உள்ளிட்ட 89 சிலைகளை பறிமுதல் செய்தனர்.இந்த சோதனையை ஐ.ஜி. பொன்.மாணிக்கவேல் தலைமையிலான சிலை கடத்தல் தடுப்புப்பிரிவு போலீசார் செய்து பறிமுதல் செய்தனர்.

இந்நிலையில்  தஞ்சை பெரிய கோயிலில் ஐஜி.பொன்.மாணிக்கவேல் தலைமையில் ஆய்வு நடைபெற்று வருகிறது . 10 பேர் கொண்ட குழு அதிரடி சோதனையில் ஈடுபட்டு வருகிறது.