பேருந்துகளில் இந்த நாணயங்களை வாங்க மறுத்தால் நடவடிக்கை – போக்குவரத்து கழகம்

அரசு பேருந்துகளில் பயண சீட்டு வாங்க 10 ரூபாய் 20 ரூபாய் நாணயங்களை வாங்க மறுத்தால் நடத்துனர்கள் மீது நடவடிக்கை 

தமிழகத்தில் பல இடங்களில் பத்து ரூபாய் நாணயங்கள் செல்லாது என்ற வதந்திகள் பரவிய வண்ணம் உள்ளது. இந்த நிலையில், வியாபாரிகள் முதல் பேருந்து நடத்துனர்கள் வரை அனைத்து தரப்பினரும் இந்த நாணயங்களை வாங்க மறுப்பதாக பொதுமக்கள் தரப்பில் புகார்கள் எழுந்துள்ளது.

இந்த நிலையில், அரசு பேருந்துகளில் பயண சீட்டு வாங்க 10 ரூபாய் 20 ரூபாய் நாணயங்களை பொதுமக்கள் வழங்கினால் அதை வாங்க மறுக்கும் நடத்துனர்கள் மீது ஒழுங்கு நடவடிக்கை மேற்கொள்ளப்படும் என்று போக்குவரத்துக் கழகம் எச்சரிக்கை விடுத்துள்ளது.