தூத்துக்குடி ஸ்டெர்லைட் ஆலை வழக்கு.! உச்சநீதிமன்றம் விளக்கம்.!

பராமரிப்பு பணிகளை மேற்கொள்ள அனுமதி வேண்டும் என ஸ்டெர்லைட் தாக்கல் செய்த வழக்கு திங்கள் அல்லது வெள்ளிக்கிழமை விசாரிக்கப்படும். – உச்சநீதிமன்றம் விளக்கம். 

சுற்றுசூழலை பாதிக்கும் வகையில் செயல்படுவதாக கூறி பல்வேறு போராட்டங்களுக்கு பிறகு, கடந்த 2018ஆம் ஆண்டு நடந்த போராட்டத்தில் 13 பேர் காவல்துறை துப்பாக்கி சூட்டில் உயிரிழந்த பின்னர் தூத்துக்குடி ஸ்டெர்லைட் ஆலை மூடப்பட்டது.

வேதாந்தா கோரிக்கை : இதனால் அங்கு உற்பத்தி பணிகள் தற்போது வரை நடைபெறவில்லை. இருந்தும், அங்கு, பராமரிப்பு பணிகளை மேற்கொள்ள வேண்டும் என வேதாந்தா நிறுவனம் தொடர் கோரிக்கை வைத்து வருகிறது. இதற்க்கு அனுமதிக்க கோரி, உச்சநீதிமன்றத்தில் வேதாந்தா நிறுவனம் வழக்கு தொடர்ந்து இருந்தது.

விரைவில் விசாரணை : இந்த வழக்கை அவசர வழக்காக விசாரிக்க வேண்டும் என உச்சநீதிமன்றத்தில் ஸ்டெர்லைட் நிர்வாகம் வழக்கு தொடர்ந்து இருந்தது. இதனை விசாரித்த நீதிபதி அமர்வு, வரும் திங்கள் அல்லது வெள்ளிக்கிழமையன்று இந்த வழக்கு விசாரணைக்கு எடுத்துக்கொள்ளப்படும் என உச்சநீதிமன்ற நீதிபதி விளக்கம் அளித்துள்ளார்.