ஊரடங்கை மீறி வெளியே சுற்றிய 90,918 பேர் கைது..ரூ.24,60,194 அபராதம் வசூல்.!

இந்தியாவில் கொரோனா வைரஸால் தற்போது 4067 பேர் பாதிக்கப்பட்டுள்ளனர். கொரோனாவால் 109 பேர் உயிரிழந்துள்ளனர். இந்த நிலையில் தமிழகத்தில் 571 பேர் பாதிக்கப்பட்டு, உயிரிழந்தவர்களின் எண்ணிக்கை 5 ஆக உயர்ந்துள்ளது. இதை கட்டுப்படுத்தும் விதமாக மத்திய மற்றும் மாநில அரசுகள் பல்வேறு முன்னெச்சரிக்கை நடவடிக்கைகளை எடுத்து வருகிறது. இதன் பகுதியாக தமிழகம் மட்டுமல்லாமல் நாடு முழுவதும் 144 ஊரடங்கு உத்தரவு பிறப்பிக்கப்பட்டுள்ளது.

ஆனால் அத்தியாவசிய தேவையின்றி சிலர் ஊரடங்கு உத்தரவினை மீறி வாகனங்களில் வெளியே சுற்றி திரிந்ததையும் அவர்களுக்கு காவல்துறையினர் நூதன முறையில் தண்டனைகளும் வழங்கி வருகின்றனர். இந்த நிலையில் தமிழகத்தில் ஊரடங்கை மீறி வாகனங்களில் வெளியே சுற்றிய 90,918 பேர் கைது செய்யப்பட்டு ஜாமினில் விடுவிக்கப்பட்டுள்ளது. மேலும் வாகனங்களில் தேவையின்றி சுற்றிய 69,589 வாகனங்களை பறிமுதல் செய்யப்பட்டு, ரூ.24,60,194 லட்சம் அபராதம் வசூலிக்கப்பட்டுள்ளது என காவல்துறை தெரிவித்துள்ளது.