கடலூரில் 7 மீன்பிடி படகுகள் எரிந்து சேதம்.! திருவிழா பட்டாசு காரணமா.?

கடலூர் கோரி கிராமத்தில் 7 மீனவ படகுகள் எரிந்து சேதமாகின. 

கடலூர் மாவட்டம் கோரி கிரமத்தில் நேற்று மாசி மாத திருவிழா இறுதி நாள் நேற்று நடைபெற்றது. அதில், வாணவேடிக்கை பட்டாசு அளவுக்கு அதிகமாக வெடிக்கப்பட்டது.

அந்த சமயம் கோரி மீனவ கிராமத்தில் வழக்கமாக பைபர் படகுகள் மற்றும் விசைப்படகுகள் நிறுத்தப்பட்டு இருக்கும் இடத்தில் இந்த பட்டாசு தீப்பொறி துகள்கள் விழுந்ததாக தெரிகிறது.

இதில் 7 மீன்பிடி படகுகள் எரிந்து சாம்பலாகியுள்ளது. இந்த சம்பவம் குறித்து காவல்துறையினர் தீவிர விசாரணை நடத்தி வருகின்றார். பட்டாசு வெடித்ததால் இந்த சம்பவம் நிகழ்ந்ததா அல்லது வேறு ஏதேனும் காரணங்கள் இருக்கிறதா என காவல்துறையினர் தீவிர விசாரணை செய்து வருகின்றனர்.