தமிழக சிறைகளில் அடைக்கப்பட்டுள்ள 65 வயதுக்கு மேற்பட்ட கைதிகளை முன் கூட்டியே விடுவிப்பது குறித்து பரிசீலிக்க அரசுக்கு உத்தரவிட வேண்டும் என மூத்த வழக்கறிஞர் வைகை சென்னை உயர் நீதிமன்றத்தில் அறிக்கை தாக்கல் செய்துள்ளார்.
சிறைகளில் கைதிகள் மரணமடைவது தொடர்பாக தாமாக முன்வந்து வழக்கை விசாரணைக்கு எடுத்துக் கொண்டு மாநில அரசுகளுக்கு தகுந்த உத்தரவு பிறப்பிக்க வேண்டும் என உச்சநீதிமன்றம் உத்தரவிட்டிருந்தது.
சிகிச்சைக்கு வாரத்தில் இரு நாள் மட்டுமே அனுமதி வழங்கப்படுவதாகவும், அதற்கு போதுமான பாதுகாப்பு வசதிகளை காவல்துறை செய்து தராததால் நடைமுறை சிக்கல்கள் ஏற்படுகின்றன இதுபோன்ற நடைமுறை சிக்கல்களை களைந்தால் சிறைக்கைதிகளின் மரணத்தை தவிர்க்க முடியும் என குறிப்பிடப்பட்டுள்ளது. சிறையில் குடிநீர் வசதி, சுகாதார வசதி ஏற்படுத்தி தர வேண்டும் பெண்களுக்கு தேவையான உடைகள் மருந்து வசதிகளை ஏற்படுத்தி தரவேண்டும் என்றும் அறிக்கையில் குறிப்பிடப்பட்டுள்ளது.மனித உரிமை ஆணைய உத்தரவுப்படி, மனநலம் பாதித்தவர்களை சிறையில் வைத்திருக்க கூடாது. ஆனால் சிறைகளில் தனிமை சிறையில் அடைக்கப்பட்டுள்ள சில கைதிகள் மனநலம் பாதித்துள்ளனர்.
வயோதிகம் காரணமாக ஏராளமான கைதிகள் பாதிக்கப்பட்டுள்ளனர்… அதனால் 65 வயதுக்கு மேற்பட்ட கைதிகளை முன்கூட்டியே விடுதலை செய்வது குறித்தும், மனநலம் பாதித்தவர்களை சிறையிலிருந்து மனநல மருத்துவமனைகளுக்கு கொண்டு செல்வது குறித்தும் அரசு பரிசீலிக்கும்படி உத்தரவிட வேண்டும் என்றும் வழக்கறிஞர் வைகை அறிக்கையில் வலியுறுத்தியுள்ளார்.இந்த வழக்கு நீதிபதிகள் மணிக்குமார் மற்றும் சுப்பிரமணியம் பிரசாத் அடங்கிய அமர்வு முன் இன்று விசாரணைக்கு வந்தது, அறிக்கையில் கூறப்பட்டுள்ள குறைகளை நிவர்த்தி செய்ய நடவடிக்கை எடுப்பதாக அரசு தரப்பில் தெரிவிக்கப்பட்டது. இதையடுத்து அறிக்கை மீது அரசு எடுத்த நடவடிக்கை குறித்து விரிவான அறிக்கை தாக்கல் செய்ய உத்தரவிட்ட நீதிபதிகள், விசாரணையை நவ.13-ம் தேதிக்கு ஒத்திவைத்தனர்.
dinasuvadu.com
சென்னை : லோகேஷ் கனகராஜ் இயக்கத்தில் அஜித் ஒரு படத்தில் நடித்தால் எப்படி இருக்கும்? என்று நினைத்து பார்த்தாலே அஜித்…
சென்னை: சென்னையில் ஆபரணத் தங்கத்தின் விலை நேற்றைய தினம் அதிகரித்து விற்பனையான நிலையில், இன்றும் உயர்ந்து காணப்படுகிறது. சென்னையில் நேற்று…
ஆந்திரப் பிரதேசம்: திருப்பதியில் வைகுண்ட ஏகாதசி தரிசனத்துக்கான இலவச டோக்கன் வழங்கும் மையங்களில் ஏற்பட்ட நெரிசல் காரணமாக தமிழகத்தை சேர்ந்த ஒருவர்…
ஆந்திரப் பிரதேசம்: ஏழுமலையான் கோவிலில் வைகுண்ட ஏகாதசியையொட்டி ஜனவரி 10 முதல் 19 வரை சொர்க்கவாசல் திறந்திருப்பதால் இலவச டிக்கெட்…
சென்னை : பொங்கல் பண்டிகையை முன்னிட்டு ஆண்டு தோறும் அரசு சார்பில் பரிசுத்தொகுப்பு வழங்கப்படுவது என்பது வழக்கம். இந்த ஆண்டு (9ஆம்…
சென்னை : இந்த ஆண்டிற்கான முதல் தமிழ்நாட்டின் சட்டப்பேரவை கூட்டத்தொடர் கடந்த திங்கட்கிழமை (ஜன. 6) தொடங்கிய நிலையில், 4-வது நாள்…
