6,000 டாஸ்மாக் கடைகள் மூடப்படும்…!8,9 ஆம் தேதிகளில் வேலைநிறுத்தப் போராட்டம் …!டாஸ்மாக் ஊழியர்கள் அறிவிப்பு

தமிழகம் முழுவதும் வரும் 8,9 ஆம் தேதிகளில் வேலைநிறுத்தப் போராட்டத்தில் ஈடுபடபோவதாக டாஸ்மாக் ஊழியர்கள் அறிவித்துள்ளனர்.

இதுதொடர்பாக  தமிழ்நாடு டாஸ்மாக் தொ.மு.ச. தலைவர் ராஜவேல் கூறுகையில், 2003ம் ஆண்டில் பணியில் சேர்ந்த டாஸ்மாக் ஊழியர்களுக்கு இதுவரை பணி நிரந்தரம் செய்யப்படவில்லை.பல முறை இதுதொடர்பாக தமிழக அரசிடம் முறையிட்டும் உரிய பதில் கிடைக்கவில்லை.  இதனால் தமிழகம் முழுவதிலுமுள்ள 6,000 டாஸ்மாக் கடைகள் மூடப்படும் என அறிவிக்கப்பட்டுள்ளது.தமிழகம் முழுவதும் வரும் 8,9 ஆம் தேதிகளில் வேலைநிறுத்தப் போராட்டம் நடைபெறும்.

மேற்பார்வையாளர்கள், விற்பனையாளர்கள், உதவி விற்பனையாளர்கள் என மொத்தம் 27000 பேர் கலந்துகொள்கிறார்கள்.இந்த வேலை நிறுத்தத்தில் 11 தொழிற்சங்கங்கள் இணைந்து பங்கேற்கிறது என்றும் தமிழ்நாடு டாஸ்மாக் தொ.மு.ச. தலைவர் ராஜவேல்  தெரிவித்துள்ளார்.