தூத்துக்குடியில் இயங்கி வரும் ஸ்டெர்லைட் ஆலை வாகனங்கள் மீது தாக்குதல் நடத்திய வழக்கில் போராட்டக்குழுவைச் சேர்ந்த 6 பேரை போலீஸார் வெள்ளிக்கிழமை கைது செய்து வழக்கு பதிவு செய்தனர் .
தூத்துக்குடி ஸ்டெர்லைட் ஆலைக்கு எதிராக போராடி வருவோரில் சிலர் வியாழக்கிழமை மடத்தூர் விலக்குப் பகுதி வழியாக ஆலை ஊழியர்களை ஏற்றிச் சென்ற ஆலையின் வாகனங்கள் மீது தாக்குதல் நடத்தினர். இதில், ஒரு பேருந்தில் முன்பக்க கண்ணாடியும், ஒரு வேனின் பக்கவாட்டு கண்ணாடியும் உடைந்தன.
மேலும், இந்தச் சம்பவத்தின்போது, ஒரு குழந்தை உள்ளிட்ட 3 பெண்களும், பேருந்து ஓட்டுநர் சீனிவாசன் உள்ளிட்ட இருவரும் காயமடைந்தனர். இதுகுறித்து, ஓட்டுநர் சீனிவாசன் அளித்த புகாரின் பேரில் சிப்காட் போலீஸார் போராட்டக்குழுவைச் சேர்ந்தவர்கள் மீது சட்டவிரோதமாக ஆயுதங்களுடன் கூடுதல், வழிமறித்து தாக்குதல், அவதூறாக பேசுதல், பெண்களை மிரட்டுதல், கல்வீசி தாக்கி பேருந்து கண்ணாடியை உடைத்தல் என 7 பிரிவுகளின் கீழ் வழக்குப்பதிவு செய்தனர்.
இதன் தொடர்ச்சியாக, போராட்டக்குழுவைச் சேர்ந்த தமிழ்செல்வன், செல்வக்குமார், பிரபு, மூர்த்தி, செல்வம், வாழவெட்டி ஆகிய 6 பேரை போலீஸார் வியாழக்கிழமை கைது செய்தனர். இந்தச் சம்பவத்தில் தொடர்புடைய அனைவர் மீதும் உரிய நடவடிக்கை எடுக்கப்படும் என போலீஸார் தெரிவித்தனர்.
சென்னை : கிண்டியில் உள்ள அண்ணா பல்கலைக்கழத்தில் படித்து வரும் ஒரு மாணவனும், மாணவியும் பல்கலைக்கழக வளாகத்தில் ஒன்றாக அமர்ந்து பேசிகொண்டிருந்த…
சென்னை : அட்லீ இயக்கத்தில் ஒரு படம் வெளியாகிவிட்டது என்றாலே அந்த படங்கள் எந்த அளவுக்கு வரவேற்பை பெறுகிறதோ அதே…
சென்னை : திருமாவளவன் தலைமையில் விடுதலை சிறுத்தைகள் கட்சி 2019 நாடாளுமன்ற தேர்தல் முதல் தற்போது வரையில் திமுக கூட்டணியில்…
ஆஸ்ரேலியாவுக்கு எதிரான 4-வது டெஸ்ட் போட்டி டிசம்பர் 26-ஆம் தேதி நடைபெறுகிறது. ஏற்கனவே, இரு அணிகளும் 5 போட்டிகள் மோதிக்கொள்ளும்…
தூங்கும்போது குப்புறபடுத்து தூங்குவதால் ஏற்படும் உடல் நல பாதிப்புகள் பற்றி மருத்துவர்கள் கூறியதை இந்த செய்தி குறிப்பில் காணலாம். சென்னை…
சென்னை :எறும்பீஸ்வரர் ஆலயம் அமைந்துள்ள இடம் மற்றும் அதன் சிறப்புகளைப் பற்றி இந்த செய்தி குறிப்பில் காணலாம். திருத்தலம் அமைந்துள்ள…
