மருத்துவர்களுக்கு 50% இடஒதுக்கீடு: எடப்பாடி பழனிசாமிக்கு அமைச்சர் பதிலடி..!

எடப்பாடி பழனிசாமி வரவேற்பு:

இந்நிலையில், அதிமுக இணை ஒருங்கிணைப்பாளரும், எதிர்க்கட்சி தலைவருமான எடப்பாடி பழனிசாமி தனது ட்விட்டரில்,  சூப்பர் ஸ்பெஷாலிட்டி மருத்துவ மேற்படிப்பில் அரசு மருத்துவர்களுக்கு 50% இட ஒதுக்கீடு செய்து எனது தலைமையிலான அம்மா அரசு கொண்டு வந்த அரசாணை செல்லும் என்றும் அதற்கான கலந்தாய்வு நடத்த அனுமதியும் அளித்துள்ள உச்சநீதிமன்ற தீர்ப்பினை உளமாற வரவேற்கிறேன் என பதிவிட்டு இருந்தார்.

அமைச்சர் மா.சுப்பிரமணியன் பதில்:

இதற்கிடையில், சுகாதாரத்துறை அமைச்சர் மா.சுப்பிரமணியன் தனது ட்விட்டரில்,  உயர் சிறப்பு மருத்துவப் படிப்புகளில் 100% இடங்களையும் ஒன்றிய அரசிடம் 2017-ல் தாரை வார்த்து, சமூகநீதியை குழிதோண்டி புதைத்தது அதிமுக அரசு. அரசு மருத்துவர் போராட்டத்தால், 2020-ல் பெயரளவில் அரசாணையை வெளியிட்டு, அதையும் செயல்படுத்தாமல் டாக்டர்களுக்கு அதிமுக அரசு துரோகம் இழைத்தது.

உயர் நீதிமன்றம், உச்ச நீதிமன்றத்தில் சட்டப் போராட்டம் நடத்தி, உச்ச நீதிமன்றத் தீர்ப்பின் மூலம்அரசாணைக்கு உயிர்கொடுத்து, சமூகநீதியை நிலைநாட்டி உள்ளது திமுக அரசு. பறிக்கப்பட்ட உரிமைகளை மீட்டு, முதலமைச்சர் மு.க.ஸ்டாலின்
அவர்களின் திராவிட மாடல் ஆட்சி சாதனை படைத்திருக்கிறது என பதிவிட்டுள்ளார்.

உயர் சிறப்பு மருத்துவப் படிப்புகளில் 100% இடங்களையும் ஒன்றிய அரசிடம் 2017-ல் தாரை வார்த்து, சமூகநீதியை குழிதோண்டி புதைத்தது அதிமுக அரசு. அரசு மருத்துவர் போராட்டத்தால், 2020-ல் பெயரளவில் அரசாணையை வெளியிட்டு, அதையும் செயல்படுத்தாமல் டாக்டர்களுக்கு துரோகம் இழைத்தது அதிமுக அரசு. https://t.co/qBQcRgD0Zi

— Subramanian.Ma (@Subramanian_ma) March 16, 2022