ஊட்டியில் காட்டாற்று வெள்ளத்தில் சிக்கி 4 பெண்கள் மாயம்.! மீட்பு பணிகள் தீவிரம்.!

ஊட்டி ஆனிக்கல் காற்றில் ஏற்பட்ட வெள்ளத்தில் சிக்கி 4 பெண்கள் மாயம். 

வடகிழக்கு பருவமழை இன்னும் ஓயாத காரணத்தால் நீர்நிலைகளில் நீர்வரத்து அதிகமாகவே இருந்து வருகிறது. இதனால் உபரி நீர் வெளியேறும் அளவும் அதிகரித்து வருகிறது.

அப்படி உதகமண்டலம் ஆனிக்கல் ஆற்றில் அதிகளவு தண்ணீர் வந்துகொண்டிருக்கிறது.இந்நிலையில் அந்த பகுதியில் உள்ள மாரியம்மன் கோவிலில் நேற்று கார்த்திகை தீப திருவிழா நடைபெற்றது.

அப்போது நேற்று இரவு விழா முடிந்து பக்தர்கள் வீட்டிற்கு திரும்பும்போது, திடீரென காற்றாற்று வெள்ளம் ஏற்பட்டது. இதில், 4 பெண் பக்தர்கள் அடித்து செல்லப்பட்டனர்.

அப்போதே தீயணைப்பு படையினருக்கு தகவல் தெரிவிக்கப்பட்டு, உடனடியாக மீட்பு படை வீரர்கள் வந்துள்ளனர். இரவில் இருந்து தேடுதல் பணி தீவிரமாக நடைபெற்று வருகிறது. ஆனால், இன்னும் அவர்கள் யாரும் கிடைக்க வில்லை. அதனால், தேடுதல் பணி தீவிரப்படுத்தப்பட்டுள்ளது .