4 தொகுதி சட்டமன்ற இடைத்தேர்தல்: வேட்புமனுக்கள் 27 மற்றும் 28 தேதிகளில் பெறப்படாது

சட்டமன்ற இடைத்தேர்தலுக்கான வேட்புமனுக்கள் பொது விடுமுறை நாளான வரும் 27 மற்றும் 28 தேதிகளில் பெறப்படாது என்று தெரிவிக்கப்பட்டுள்ளது.

தமிழகத்தில் 18 தொகுதிகளுடன் சேர்த்து மீதமுள்ள  நான்கு தொகுதிகளுக்கான இடைத் தேர்தலை தேர்தல் ஆணையம் அறிவித்தது.இந்த 4 தொகுதிகளில் மே 19-ம் தேதி வாக்குப்பதிவு நடைபெறுகிறது..இந்த 4 தொகுதிகளுக்கான வேட்புமனு தாக்கல், ஏப்ரல் 22ம் தேதி தொடங்கும்  என தெரிவிக்கப்பட்டுள்ளது.மேலும் 29ம் தேதி வேட்பு மனு தாக்கல் செய்ய கடைசி நாள் ஆகும்.

இந்நிலையில்  4 தொகுதி சட்டமன்ற இடைத்தேர்தலுக்கான வேட்புமனுக்கள் பொது விடுமுறை நாளான வரும் 27 மற்றும் 28 தேதிகளில் பெறப்படாது என தமிழக தலைமை தேர்தல் அதிகாரி அறிவிப்பு வெளியிட்டுள்ளார்.