திமுகவில் இணைந்த 4 சுயேட்சை வேட்பாளர்கள் மற்றும் ஒரு பாமக வேட்பாளர்..!

ஒசூர் மாநகராட்சி தேர்தலில் வெற்றி பெற்ற 4 சுயேட்சை வேட்பாளர்கள் மற்றும் 1 பாமக வேட்பாளர் திமுகவில் இணைந்தனர்.

தமிழகம் முழுவதும் கடந்த 19-ஆம் தேதி, 21 மாநகராட்சிகள், 138 நகராட்சிகள், 490 பேரூராட்சிகளுக்கான நகர்ப்புற உள்ளாட்சித் தேர்தல் ஒரே கட்டமாக நடைபெற்றது. இதனை தொடர்ந்து நேற்று வாக்கு எண்ணிக்கை நடைபெற்ற நிலையில், பெரும்பாலான இடங்களில் திமுக மற்றும் கூட்டணி கட்சி வேட்பாளர்கள் தங்களது வெற்றியை பதிவு செய்தனர்.

இந்த நிலையில், நேற்று நகர்ப்புற உள்ளாட்சி தேர்தலில் வெற்றி பெற்ற அதிமுக வேட்பாளர்கள் இரண்டு பேர் திமுகாவில் இணைந்ததையடுத்து, மதுரை சோழவந்தான் பேரூராட்சி 9 வார்டில் வெற்றிபெற்ற அமமுக வேட்பாளர் சத்தியபிரகாஷ் அமைச்சர் பி.மூர்த்தி முன்னிலையில் திமுகவில் இணைந்துள்ளார்.

இதனை தொடர்ந்து, இன்று, ஒசூர் மாநகராட்சி தேர்தலில் வெற்றி பெற்ற 4 சுயேட்சை வேட்பாளர்கள் மற்றும் 1 பாமக வேட்பாளர் திமுகவில் இணைந்தனர்.