சுற்றுலா தினம் கொண்டாட 25 லட்சம் ஒதுக்கீடு! அமைச்சர் வெல்லமண்டி நடராஜன் தகவல்!

இந்த ஆண்டிற்கான உலக சுற்றுலா தினம்  செம்டம்பர் 27 ம் தேதி சேலம் மாவட்டத்தில் கொண்டாடப்படும் என்றும் தமிழக அரசு சார்பில் 25 லட்சம் ரூபாய் ஒதுக்கப்படுவதாகவும்  சுற்றுலாத்துறை அமைச்சர் வெல்லமண்டி நடராஜன் தெரிவித்துள்ளார்.

மேலும், 2 கோடி ரூபாய் மதிப்பீட்டில் திருச்சி, கன்னியாகுமரி , கொடைக்கானல் மற்றும் ஊட்டி ஆகிய இடங்களில் உள்ள சுற்றுலா அலுவலங்கள் புரணமைக்கப்படும் என்றும் தெரிவித்துள்ளார்.கொடைக்கானலில் 26 லட்சம் மதிப்பீட்டில் படகு இல்லம் தனியாருக்கு இணையாக அரசு சார்பில் கட்டப்படும் என்றும் தெரிவித்துள்ளார்.

கோவை, திருச்சி, தஞ்சை, மதுரை ஆகிய நகரங்களில் இருக்கும் தமிழ்நாடு அரசு இல்லங்களை சீரமைக்கப்படும் என்ற 13 அறிவிப்புகளை இன்று அமைச்சர் வெளியிட்டுள்ளார்.