மதுரை ரயில் தீ விபத்து தொடர்பாக 20 பேரிடம் விசாரணை – தென்னக ரயில்வே பாதுகாப்பு ஆணையர்

trainfire [Imagesource : ABP]

மதுரை ரயில் தீ விபத்து தொடர்பாக 20 நபர்களிடம் விசாரணை நடைபெறுகிறது என்று தென்னக ரயில்வே பாதுகாப்பு ஆணையர் ஏ.எம்.செளத்ரி தெரிவித்துள்ளார். மதுரை அருகே சுற்றுலா ரயில் பெட்டியில் தீ விபத்து ஏற்பட்டு, 9 பேர் உயிரிழந்த சம்பவம் தொடர்பாக தென்னக ரயில்வே பாதுகாப்பு ஆணையர் ஏ.எம்.செளத்ரி விசாரணை மேற்கொண்டு வருகிறார். இன்று ரயில் பேட்டி தீவிபத்து ஏற்பட்ட இடத்திற்கு நேரில் சென்று இரண்டாவது நாள் விசாரணை மற்றும் ஆய்வு மேற்கொண்டார்.

இதன்பின் செய்தியாளர் சந்திப்பில் பேசிய அவர், ரயில் தீவிபத்து தொடர்பாக தற்போது வரை 20 பேரிடம் விசாரணை நடத்தப்பட்டுள்ளது. பாதுகாப்பு அதிகாரிகள் ஏன் முறையாக பரிசோதனை செய்யவில்லை என்பது குறித்தும் விசாரணை நடைபெறுவதாகவும், சிலிண்டர்தான் தீ விபத்திற்கு பிரதான காரணமாக இருந்துள்ளது எனவும் கூறியுள்ளார்.

இதனிடையே, மதுரை ரயில் பெட்டி தீ விபத்து தொடர்பாக லக்னோவில் உள்ள பேசின் டிராவல்ஸ் ஊழியர்கள் 5 பேர் கைது செய்யப்பட்டுள்ளனர்.  அதன்படி, டிராவல்ஸ் நிறுவன ஒருங்கிணைப்பாளர், சமையல் பணியாளர், உதவியாளர், சுற்றுலா வழிகாட்டி உள்ளிட்ட 5 பேர் கைது செய்யப்பட்டுள்ளனர்.