கொரோனா நிவாரணமாக 1 ரூபாய் நிதியளித்த வழக்கறிஞர்கள்.!

சென்னை உயர்நீதிமன்றத்தை சேர்ந்த 2 வழக்கறிஞர்கள் தலா 1 ரூபாய் கொரோனா நிவாரணத்திற்காக நிதியளித்துள்ளனர்.

கொரோனா தடுப்பு மற்றும் நிவாரண பணிகளுக்காக மத்திய மாநில அரசுகள் பொதுமக்களிடம் தங்களால் முடிந்த நிவாரண நிதிகளை வழங்குமாறு கேட்டுக்கொண்டனர்.

இதன் பேரில் பலரும் தங்களால் முடிந்த நிதியுதவிகளை அளித்து வருகின்றனர். இந்நிலையில் சென்னை உயர்நீதிமன்றத்தை சேர்ந்த 2 வழக்கறிஞர்கள் தலா 1 ரூபாய் கொரோனா நிவாரணத்திற்காக நிதியளித்துள்ளனர். மேலும், இன்னொரு வழக்கறிஞர் 10 ரூபாய் நிதியளித்துள்ளார்.

இது குறித்து, இந்திய பார் கவுன்சில் துணை தலைவர் பிரபாகரன் கூறுகையில், அவர்களுக்கு விரைவில் பாராட்டு சான்று வழங்கப்படும் என தெரிவித்தார். தமிழ்நாடு புதுச்சேரி பார் கவுன்சில் வழக்கறிஞர்கள் சார்பாக  60 லட்சம் நிதியளிக்கப்பட்டிருந்தது குறிப்பிடத்தக்கது.